Inspektór Jerál AIFAESA, Ernesto Monteiro. Imajen/AIFAESA

DILI, 01 abríl 2021 (TATOLI)–Inspektór Jerál Autoridade Inspesaun no Fiskalizasaun Atividade Ekonómika Sanitária no Alimentar (AIFAESA), Ernesto Monteiro, hateten, nia parte sei halo planu atu destaka funsionáriu ba munisípiu, nune’e bele mellora serbisu inspesaun ba estabelesimentu ekonómiku sira.

“To’o agora ita-nia funsionáriu konsentra de’it iha nasionál. Ha’u sei husu karik iha ona delegasaun kompeténsia funsionáriu sira destaka ba munisípiu, tanba ita la’ós atu halo inspesaun iha Dili de’it maibé ita tenke halo mós iha munisípiu sira,” Inspektór Jerál dehan iha salaun AIFAESA, kinta ne’e.

Nia konsidera, atu mellora serbisu no funsionamentu instituisaun, presiza alastra ba munisípiu.

“Programa ida-ne’e ha’u sei trasa hodi ko’alia ho autoridade munisipál no lokál sira atubele halo destakamentu funsionáriu ou delegasaun serbisu,” nia akresenta.

Nune’e mós, kona-ba inspesaun merkadu fronteira, Inspetór Jerál sei konvoka reuniaun ho entidade relevante no koordena ho ministeriu tutela inklui autoridade lokál sira hodi ko’alia atu jere no halo atvidade inspesaun.

Jornalista: Natalino Costa

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here