Polísia Unidade Tránzitu hala’o auto stop motorizada ne’ebé hala’o movimentu laiha dokumentu, sesta (19/3/2021). Imajen Tatoli/Antonio Gonçalves

DILI, 31 marsu 2021 (TATOLI)- Durante semana ida, hahú hosi loron 20 to’o 26 marsu 2021, Komandu Polísia Nasionál Timor-Leste (PNTL) Munisípiu Dili liuhosi Seksaun Tránzitu Dili, ‘halibur’ osan ho montante $7,008.00 hosi infratór sira  ne’ebé kontra lei tránzitu no viola dekretu Governu nian kona-ba konfinamentu obrigatóriu.

Notísia Relevante : Polísia Tránzitu hala’o auto stop hodi sosializa mós regra serka sanitária

Durante operasaun auto stop iha kapitál Dili, Polísia identifika infratór infratór hamutuk 232 ne’ebé simu tiketi 238 hodi ba selu koima a iha banku hodi foti fila fali sira nia transporte ne’ebé hetan apreensaun, kompostu hosi motorizada 203 no karreta 29.

Komandante Polísia Seksaun Tránzitu Munisipiu Dili, Inspetór Xefe, Domingos Sarmento Gama, ba jornalista iha Komandu PNTL, Dili, kuarta ne’e, hateten,

PNTL rejista mós dadus asidente tráfegu hamutuk haat (4) ne’ebé la rezulta vítima ruma mate, maibé sofre kanek kaman.

Viajen lori dokumentu

Polísia Tránzitu Dili apela mós ba Funsionáriu Públiku sira bainhira halo viajen durante implementasaun Serka Sanitária iha kapitál Dili tenke lori dokumentu kompletu, hodi polísia labele impede sira-nia movimentu.

Ba funsionáriu sira ne’ebé viajen ho motór Estadu la lori dokumentu hanesan karta kondusaun ho dokumentu komprovativu seluk, polísia sei halo apreensaun.

Iha semana kotuk, polísia halo apreensaun ba motorizada tolu ho xapa Governu la iha dokumentu no la iha karta kondusaun.

 Jornalista   : Eugénio Pereira

Editór        : Francisco Simões

 

HAKEREK NO HATÁN

Please enter your comment!
Please enter your name here