Segundu Komandante PNTL Munisípiu Dili, Superintendente Euclides Belo. Imajen Tatoli/Eugénio Pereira.

DILI, 30 marsu 2021 (TATOLI) – Komandu Polísia Nasionál Timor-Leste (PNYTL) Munisípiu Dili ho Timor-Leste Police Development Program (TLPDP), tersa ne’e, apoia aqua hamutuk kaixa 60 ba Asosiasaun Halibur Defisiénsia Matan Timor-Leste (AHDMTL).

Notísia Relevante : Viola regra serka sanitária, PNTL detein ema 400-liu

Diretór Ezekutivu AHDMTL, Gaspar Afonso hato’o agradese ba Komandu PNTL no TLPDP hodi ajuda bee ba sira ho fuan hodi sira bele konsumu bainhira hala’o atividade.

“Ami agradese ba apoiu ne’e, mezmu valór ki’ik, maibé responde ami nia preokupasaun hodi apoiu ami ho fuan ne’e iha valór boot liu buat hotu- hotu, tanba ema hotu-hotu preokupa hodi tau matan ba ema ho defisiénsia,” Gaspar Afonso  iha Komandu PNTL, Dili.

Iha fatin hanesan, Segundu Komandante PNTL Munisípiu Dili, Superintendente, Euclides Belo dehan, apoiu ne’e hodi responde belun di’ak defisiénsia sira-nia preokupasaun kona-ba nesesidade bee-moos.

Euclides espera ba oin, parseiru sira seluk mós sei fó apoia umanitáriu ba ema ho defisiénsia sira hodi ajuda hakmaan sira-nia preokupasaun.

Komandu PNTL Dili no TLPDP mós tula direita aqua hirak ne’e ba edifísiu AHDMTL iha Suku Manleuana, Dili.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here