Sidonio João da Silva Pereira.

Hosi:

Sidonio João da Silva Pereira

Aiknanoik hosi SARS-CoV-2

Hanoin ita sei la dada lia naruk kona-ba kutun ka virus Corona ne’ebé hamosu moras naran iha dalen Ingles  SARS-CoV-2 ka Severe Acute Respitory Syndrome Corona virus – 2 e Organizasaun Mundiál ba Saúde (OMS) iha loron 11 fevereiru sarani ho naran COVID-19 ( Coronavirus Disease -19.). Tuir aiknanoik katak kutun ne’e  hahú mosu iha nasaun Xina, sidade Wuhan 2019 nia rohan, razaun tansá moras ne’e iha nia apalidu 19.

Ohin loron hadaet ona nasaun liu 200 e rejiaun hotu iha mundu, liu 300.000 kazu konfirmasu ho data komulativu hatudu mate liu ona 200.000.1,2. Dahuluk COVID-19, klinikamente hafahe ba tipo haat maka; kaman (mild), naton (moderate), todan (severe) no krítiku (todan demais),3 maibé hafoin moras ne’e alastra ho lalais tebes ba rai hotu, evidensia hatudu kazu infetadu lubun e wain tebes ne’ebé la hatudu sintoma ka assintomátiku, maibé sira bele hadaet ka hatutan infesaun ba ema seluk.4

Figura #1 Possible evolusaun klínika COVID-19

 

Saida mak infesaun assintomátiku?

Kontestu COVID – 19 nian, hadalen tuir rezultadu laboratóriu, individu ida hetan positivu (+) ba komponente jenétiku Acido Nucleico iha nia amostra ka sampel hosi virus SARS-CoV-2 ho teste RT- PCR (Reverse Transciptasa-Polymerase Chain Reaction) maibé  ema ne’e la hatudu sintoma tipiku ba moras COVID-19, e la iha anormalidade ruma iha rezultadu radiolojiku ka ray-x e ct-scan ba nia pulmaun.4

Iha ne’e, hakarak sita mos artigu hosi estudu balun ne’ebé matenek nain sira hosi rai seluk halo ona liga ho kazu assintomátiku, ho estudu hirak ne’e atu afima ho forma breve katak kazu assintomátiku ka la hatudu  sintoma la’ós de’it iha Timor, maibé iha rai seluk hotu ne’ebé hatur ona ho baze sientífika. Rahul Subramanian et al. iha nia estudu hatudu, infesaun assintomátiku reprezenta maiór parte hosi populasaun afetada no kontribui subtansialmente ba transmisaun komunitária hamutuk ho kazu presintomatico sira.

(Figura 2)

Iha estudu seluk, Quan-Xin long et al. Bainhira sira halo assesmentu klíniku ba pasiente assintomátiku sira ne’ebé nia PCR pozitivu, hatudu katak grupu assintomátiku sira hadaet virus SARSCoV-2 signifikativamente kleur liu kompara ho grupu sintomátiku sira.25 Ne’e atu hateten saida mai ita? Katak sé ita husik pasiente assintomátiku sira iha uma ka la halo izolamentu, tendensia atu hatutan infesaun ba ema seluk ne’e sei wain liután no ita sei la satan atu kontrola virus SARS-CoV-2.

(Fig. 3) Zhiro Gao et al. iha sira nia “systemic review” ba artigu sira ne’ebé ko’alia kona-ba pasiente infetadu ho SARS-CoV-2 maibé assintomátiku hatudu kazu assintomátiku existe iha diferente nasaun no nia pursentajen varia hosi nasaun ida ba nasaun seluk. (Tabela 1)

Tabela 1. Comparasaun kazu assintomátiku entre nasaun

Iha parte seluk Chen Y et al. iha estudu kona-ba karaterístika epidemiolójika hosi infesaun ho COVID-19 afirma infetividade entre assintomátiku ho sintomátiku hanesan de’it. Ida ne’e signifika saida? Katak ema infetadu tantu iha ka lae sintoma relevante ho COVID-19 nia risku atu propoga infesaun ba ema seluk hanesan de’it, razaun tanba ne’e tantu assintomátiku ho sintomátiku bainhira hetan konfirmasaun hosi laboratóriu katak sira nia teste PCR (+) ba SARS-CoV-2, obrigatoriamente halo izolamentu ba sira hodi kontribui hapara korente propagasasun virus ba ema seluk.

Nune’e mos Gullan. A et al. iha nia estudu “Could you be a coronavirus super spread?”  Reporta katak kazu assintomátiku ida de’it iha posibilidade bele infeta ema nain 11 no argumentu ida ne’e fundamenta tan hosi Quan-Xin long et al. afirma abilidade hosi infesaun assintomátiku atu espalla SARS-CoV-2 la uitoan ka “low” no pasiente assintomátiku sira bele provoka tan fali  ronde foun ba pandemia, nune’e bainhira hetan kazu assintomátiku tenke izola sira ho lais hanesan xavi ba prevensaun sedu no kontrola COVID-19 iha mundo tomak.25

Kona-ba tempu inkubasaun (tempu hosi ema ida hetan infesaun to’o hatudu sintoma klínika)  entre kazu assintomátiku e sintomátiku, Zou L et el. Afirma entre sira laiha diferensa ba períodu inkubasaun e estudu resente balun fundamenta katak karga virál deteta iha pasiente assintomátiku hanesan ho kazu sintomátiku, ne’e indika infesaun assintomátiku potensial tebes hodi transmite virus ba ema seluk.26

Agora, polemika ba sosiedade Timor, tansá iha kazu assintomátiku? Pergunta ne’ebé konsege kria konfuzaun iha sosiedade Timorense nia  leet, hodi hamosu tutan tan duvida sira seluk ne’ebé naklekar iha mídia sosiál nia janela hanesan Facebook no WhatsApp katak “Corona ne’e bosok” Corona ne’e politizadu” própriu pasiente sira mos balun dehan ha’u la moras ida”.

Atu fó resposta ba pergunta iha leten, mai ita haree hamutuk papel imunidade ka “kekebalan tubuh” ou defeza isin lolon nian” iha kontestu kazu assintomátiku. Maibé antes ita tama ba problema konkretu ne’ebé sita iha leten, ha’u hanoin pertinente ita koñese uluk lai ho forma jerál terminolojia sira ne’ebé normalmente uza iha kampu immunolojia.

Imunolojia katak rama ida hosi siénsia médika ne’ebé estuda kona-ba lalaok sistema defeza ka selula sira ne’ebé halo funsaun hodi satan organismu hosi moras.

Imunidade katak estadu kapasidade defeza ema nian iha nia isin lolon ne’ebé hodi satan nia hosi agresaun ka atake hosi sustánsia antijenika kutun oin nian, hanesan virus, bakteria, parazitu, fungos no seluk tan ne’ebé adquere ka hetan ho forma ativa ou passivamente.

Imunizasaun katak konjuntu hosi prosesu ne’ebé kondús ba formasaun imunidade ho forma adaptativa liuhosi introdusaun angtijenu ba iha organismu laran (ezemplu vasina sira).

Imunocomptencia katak kapasidade defeza ka resposta immune espesifika  ema ida nia hodi hatan ba antijenu ida bainhira hasoru malu liuhosi reasaun immune espesifica. Bainhira ita ko’alia kona-ba individu ida immunocompente ou lae depende ba nia kapasidade atu  responde lalais iha kombate bainhira hasoru inimigu/patogeno ho antijenu espesifiku.

Imunodeficencia katak falta kapasidade immunologica hodi reazen hasoru patogeno/inimigu, bele parsiál ou totál.

Antijenu “antigen” katak subtánsia sira ne’ebé bele provoka reasaun imunologica e indúz resposta immune.

Anticorpo “Antibody” katak  subtánsia immunitaria ho natureza proteina ne’ebé iha kapasidade bele rekoñese antijenu espesifiku no luta hasoru sira.

Hafoin hatene uitoan kona-ba terminojia komun ne’ebé babain uza iha kampu immunolojia, mai ita buka hamutuk hodi fó resposta ba pergunta.

Tansá iha kazu assintomátiku?

Iha resposta komun ne’ebé sosiedade tantu médika no la’ós médika sempre ko’alia  no rona maka  “tanba nia sistema immune forte hela”.

Loos duni, sé ita ko’alia tuir kampu medisina ka parte saúde nian, ita konkorda ho  resposta iha leten, maibé antes atu fó solusaun ba duvida públika ida ne’e, ita presiza buka hatene no koñese uluk pelumenus ho forma jerál  saida mak sistema immune.

Saida mak sistema immune?

Sistema Inmmune katak konjuntu hosi elementu no prosesu biolojiku iha organismu ka isin lolon laran ne’ebé manten  equilibro “keseimbangan” (homeostasis) internu hosi agresaun/atake esterna ho natureza biolojika (ajente patogenos hanesan virus, bakteria, parazitu, fungos ect.), fisikukímiku hanesan subtánsia kontaminante ka venenu, overdose aimoruk, kamfra ect.. e radiasaun (ultraviolet, ray-x, CT-Scan ect..), hosi agresaun intern ka própriu organismu laran maka hanesan (selula cancerosa). Signifika sistema ida ne’e iha kapasidade atu rekoñese subtánsia hirak hosi kutun patojenu ka ho natureza seluk ne’ebé bele provoka moras e reazen hasoru sira hodi kombate.10,11,12  

Sistema immune hafahe ba grupu rua; Innato, e Adaptativa ka adquirida.

Innato ka naturál signifika nia iha nanis kedas iha individu ida nia isin lolon bainhira moris mai

hola papel hanesan primeira linea hodi defende organismu no tama iha kombate bainhira organismu hetan atake hosi liur ka laran hosi patogenos ka kutun sira. Nia atuasaun iha oras nia laran bainhira isin lolon hetan infesaun ka atake ruma, karater la espesifíku no la iha  memoria inmuolojika13,14

(Fig 5) 

Elementu sira ne’ebé pertense ba resposta ida ne’e maka; Fiziku (isin kulit, mucosa, epitelio respiratorio, cilios) kimika (enzimas lisosima iha liquido corporais laran hanesan kaben, kosar ben, matan ben), Pepsina iha intestino, PH acido hosi estomago,  sistema komplementu, reseptór tipo Toll (Toll like reseptór) ne’ebé espresa iha selula sira hanesan Macrafagor alveolar, Selula dendritica, Neutrofilos, B cell e T cell   e components celulares hanesan (mastocitos, eosinófilos, basófilos, Neutrofilos, Macrofagos, selula Naturál Killer ka NK,).13,14

Adaptativa ka adquirida hanesan nia naran hatur ona, resposta ida ne’ebé akontese ho forma adaptativa e individu la moris ho maibé adquere bainhira organismu hetan kontaktu ho subtánsia antijenika ruma hosi liur ou laran foin ativa sistema ne’e hodi hola nia papel.

Kompoin hosi selula sira altamente espesializada ne’ebé iha kapasidade atu rekoñese no lembra kutun espesificos hodi kombate e induz immunidade no prepara organizmu atu hasoru ameasa tuir mai ka “futura ameasa” liu hosi produsaun memoria inmunologica.

Selula altamente espesializada sira ne’ebé pertense ba resposta ida ne’e maka; Linfocito B (B cell) prodús iha Timo e Linfocito T (T cell ),  mai hosi Medula Osea ka Bone marrow)14.  Sistema immune adquirida ne’e rasik possui ka “memiliki” resposta immune rua; Inmunidade Humoral e Celular.

Immunidade Humoral responsabiliza hosi linfocito B ka (B cell) ne’ebé hela no sirkula iha nodulos linfaticos no bazo ka Ook,  no bainhira hetan ka hasoru antijenu ruma hosi kutun inimigu nian ne’ebé espesifíku, B cell nia reseptór ka simu bainaka nain hanesan  (IgM+ e IgD+) hahú halo ligasaun kontaktu no provoka ativasaun ka fanun linfocito B hodi prodús antikorpu ka Antibody (primero IgM hafoin  IgG, IgA e IgE).  Ida ne’e justifika tansa iha teste serolojiál ba virus tantu dengue, virus corona no sira seluk, IgM mosu uluk e reprezenta infesaun aguda; iha parte seluk linfocito B hola papel hanesan selula aprezentadór antigino ba iha linfocito T ajudante (Lymphocyte T helper; Th1,Th2 e Th17)  liu hosi produsaun citosinas espesificas ativa ka fanun tutan linfocito B ativado hodi continua prodús Antibody.

(Figura 6)

Immunidade Celular, composto hosi Linfocito T ka (T Cell ) e hanesan prinsipál mekanizmu defeza kontra mikro-organizmu ka kutun intraselulár (virus e bacterias balun ). T cell hafahe ba subtipu rua maka hanesan Linfocito TCD4+ responsavel ba produsaun citosinas oinoin hodi kordena funsaun entre sistema innato a adquirida, e Linfocito TCD8+ lutador kontra selula infetada ho virus e celulas tumorais sira.

(Figura 7)

Agora, hafoin ita halo rekorridu badak ba koñese saida mak sistema immunologica  no komponente sira ne’ebé pretense ba sistema ne’e ho nia funsaun ho forma jerál, mai ita concentra buka solusaun ba perguntas ne’ebé cita tiha ona iha leten;

Tanba sa ema infetadu ho SARS-CoV-2 ka virus corana la hatudu sintoma ka assintomátiku? Resposta hosi Sistema Immune Innato

Hafoin ema ida infetadu ho vius corona, e kutun ne tama ba organizmu liu hosi via respiratoria, inmediatamente rekoñese kedas hosi “Pattern Recognition Receptors”  hanaran Toll like reseptór (TLR 7 e TLR 8) ne’ebé esprezadu ka hela iha selula epiteliales hotu no mos iha selula sistema immune innato nian hanesan macrofagor alveolar.15 Depois hasoru malu ka kontaktu entre komponente rua iha leten, Pattern Recognition Reseptór ka Toll like reseptór rekruta ka ativa proteina adaptadór sira hanesan fatór reguladór interferon (IRF), NF-kB, AP-I ho objetivo prodús proteina antivirais dahuluk hanesan Interferon tipo –I e III ho kemosina oin oin.16 Kemosina sira ne’e hahú halo nia papel hodi atrae ka alerta tutan ba selula seluk ne’ebé pertense ba sistema immune innato hanesan polimorfonuclear neutrofilos, monocitos, selula naturál killer ka NK, selula dendrita (DC) ka populartmente hanaran selula presentadora de antijenu  atu organiza an hasoru invasór foun ne’ebé maka tama ba iha sira nia área, iha kazu ida ne’e virus corona. Iha tempu hanesan selula dendrita hamutuk ho selula sira seluk iha sistema immune innato prodús mos kemosina sira seluk hanesan MIG, IP10 ho MCP-1, ne’ebé iha kapasidade rekruta ka alerta tutan ba limfocitos sira iha sistema immune adaptativa nia laran atu prepara an hodi identifika antigen virál hosi virus corona ne’ebé sei aprezenta hosi selula dendrita.17,18 To iha segmentu ida ne’e ita bele hatene uitoan ona prosesu luta sistema immune innato hodi defende ita hosi agresaun esterna kordenasaun servisu entre sira.

Resposta hosi sistema immune adaptativa ka adquirida (Celular e Humural)

Kabe destaka iha ne’e katak tranzisaun entre resposta hosi sistema immune innato ho adaptativa ne’e krítiku tebes ba progresaun klínika pasiente infetadu ho coronavirus, tanba momentu krusiál ne’e akontese eventu immunoregulatóriu ba nia resposta ne’ebé sistema immune ativa hodi responde antijenu virál ne’ebé tama iha organizmu, tanba momentu ida ne’e  bele hamosu skenáriu rua maka hanesan; Resposta immune protective ou resposta

inflamatoria exagerada ka „‟berlebihan‟‟.19,20,21,22  

Antijenu virál ne’ebé tama iha isin lolon hanesan esplika ona iha segmentu anteriór, sei deteta no kapta tutan hosi selula apresentadór antijenu profisonál (DC) e  lori antijenu  detetadu no kaptadu ne’e ba iha nodulos linfaticos rejionál ou ba bazo ka Ook e tranforma antigen virál ba peptidos hodi hatudu ba Linfocitos T naïve (linfocitos T ne’ebé seidauk ativadu) ne’ebé hela iha nodulos linfatico sira ho bazo. Hafoin simu sinál hosi selula aprezentadór antijenu (selula dendrita ou macrofagos) hosi sistema immune innato liuhosi T cell nia hosi reseptór (TCR) katak inimigu tama iha organizmu, Limfocito T naïve  sira ativa an inmediatamente hodi prolifera no diferensindose ka “ differentiating” ba Linfocitos T eferctora e T Memoria.23 Nune’e linfocitos T efectora (CD4+ Th1 e Th2 and Th17) migra ba fatin infesaun ka inflamasaun hodi buka ka hasoru antijenu sira ne’ebé espesifíku hodi ataka no kombate. Iha parte seluk linfocitos T efectora subtipo TCD4+ sekreta ka prodús mos sitosinas ne’ebé ativa ka ajuda macrofagos hosi sistema immune innato hodi elimina microoraganismo fagacitado no nune’e mos TCD4+ induz , provoka ou fanu tutan linfocitos B hodi ativa an no prepara atu  prodús anticorpos ka Antibody espesificos ba virus hodi tama iha linea kombate e elimina patogenos “neste kazu” virus corona.(Figura 8,9).

Papel T CD4+ la to’o iha ne’e de’it, nia mos halo funsaun hodi ativa tutan linfocito TCD8+ liu hosi citocinas ne’ebé nia prodús e nun’e TCD8+ tama iha linea kombate hodi destroi celula sira ne’ebé hetan atake ka infectada ho virus corona.26  (Figura.8)

To’o iha segmentu ida ne’e ita bele kumpriende uitoan tan papel ita nia sistema immune atu defende ita iha 24h nia laran no servisu ne’ebé organizado tebes entre sira.

Figura 9. Cordenasaun servico entre SII e SIA

Interesante tebes mai ita hatene kordenasaun servisu no koperasaun mutuál mutuál hosi resposta rua tantu Innata ho Adaptativa ne’ebé halo sira nia funsaun ho forma pararela hodi manten alerta no tama ba iha linea kombate iha momentu ne’ebé de’it bainhira preziza. Tanba ne’e individu ne’ebé infetadu ho Virus Corona bele assintomátiku, no sintona (kaman, naton, no todan, krítiku no mate) depende ba regulasaun hosi kordenasaun no koperasaun servisu entre resposta rua ne’ebé ita haree hamutuk ona iha leten, katak se akontese skenáriu, resposta immune desrugala ho fatór (x) ruma maka provavelmente ema infetadu ho virus corona bele dezenvolve kursu klíniku hanesan iha.(Figura 10)

Fonte: Luis F Garcia et al. Immune Response, Inflammation, and the Clinical Spectrum of COVID-19, Frontier in Immunology

Hakerek nain hanesan Master in Investigation of Immuology –Universidad Complutence de Madrid, Spain

Emergency Medicine registrar- South Korea

Servidór públiku iha departamentu emerjénsia, ospitál nasionál Guido Valadares.

Mensajen:

Artigu ne’e hakerek ho intensaun atu fahe tutan informasaun no koñesementu kona-ba sistema defeza isin lolon nian hodi satan organizmu umanu iha kontestu polemika Covid-19, nune’e opiniaun  sira seluk ne’ebé maka fora hosi ne’e, hakerek nain nia onestamente nega.

Artigu ne’e hakerek ho karater informativa, nune’e labele sai hanesan referénsia relevante ka prinsipál ba hirak ne’ebé hakarak ka halo  hela peskiza akademika ruma. Hein katak artigu ida ne’e fó informasaun ba hira ne’ebé hakarak sani.

Referencia

  1. Coronavirus disease 2019 (COVID-19). 2020. Situation Report-100, https://www.who.int/emergencies/diseases/   novelcoronavirus-2019/situation-reports.
  1. Clinical management of severe acute respiratory infection (SARI) when COVID-19 disease is suspected. 2020. A systematic review of asymptomatic infections 15https://www.who.int/publicationsdetail/clinicalmanagement-of-severe-acute-respiratory- infection-when novel-coronavirus-(ncov)-infection-issuspected.
  2. National Health Commission of People’s Republic of China. Diagnostic and treatment plan of Coronavirus disease 2019. 7th ed. 2020. tentative http://www.nhc.gov.cn/yzygj/s7653p/202003/46c9294a7dfe4cef80dc7f5912eb1989.shtml.
  3. Laboratory diagnostics for novel coronavirus. 2020. https://www.who.int/emergencies/diseases/novelcorona virus2019/technicalguidance/laboratory.
  1. Rahul Subramanian, Qixin He, and Mercedes Pascual, Quantifying asymptomatic infection and transmission of COVID-19 in New York City using observed cases, serology, and testing capacity, PNAS March 2, 2021 118 (9) e2019716118; https://doi.org/10.1073/pna 2019716118.
  2. Ben Hu, Hua Guo, Peng Zhou & ZhengLi Shi, Characteristics of SARS-CoV-2 and COVID-19, Nature Reviews Microbiology volume 19, pages141–154 (2021).
  1. The incidence of COVID-19 infection in Canada? New survey points to over 100,000 households, https://angusreid.org/covidepidemiologystudy/.
  1. Massimo Rallia,b,*, Aldo Morronec, Andrea Arcangelid, e , Lucia Ercoli, Asymptomatic patients as a source of transmission of COVID-19 in homeless shelters.  International Journal of Infectious Diseases 103 (2021)243-245.
  1. María Luisa Bay Glosario de Immunologia, Instituto de Immunologia, Guia de Aprendizaje;Crecimento e Desarrollo 1-10.
  2. Lozano Soto (2012). «Introducción al sistema inmunológico, sus principales elementos y la respuesta inmunitaria». En Farreras; Rozman, eds. Medisina Interna (17 edición). Barcelona, España: Elsevier España. pp. 2453-2488. ISBN 9788480868969.
  1. Delvis, Peter J. (2016). «Panorama general del sistema inmunitario» (en inglés). Merck Sharp & Dohme Corp. Consultado el 21 de junio de 2016.
  2. Berkow, Roberts (2008). «16». Manual Merck: Home edition (2da. edición). Océano. p. 837. ISBN 844941184X.
  3. Toche P. Paola, Visión panorámica del sistema immune, Revista Médika Klínika de las Condes, Vol.23. Issue 24 pages 446-457 (July 2012)
  4. Sasha Antunez, Coronavirus e Inmunidad: ¿Cómo combatir la pandemia?
  5. https://www.brainlatam.com/blog/coronaviruseinmunidad%C2%BFcomocombatirlapandemia1356.
  1. Fung TS, Liu DX. Human coronavirus: host-pathogen interaction. Annu Rev Microbiol. (2019) 73:529–57. doi: 10.1146/annurev-micro-020518-115759
  2. Hur S. Double-stranded RNA sensors and modulators in innate immunity. Annu Rev Immunol. (2019) 37:349– 75. doi: 10.1146/annurev-immunol-042718-041356
  1. Perlman S, Dandekar AA. Immunopathogenesis of coronavirus infections: implications for SARS. Nat Rev Immunol. (2005) 5:917–27. doi: 10.1038/nri1732
  2. Chen J, Subbarao K. The immunobiology of SARS.

Annu   Rev      Immunol.        (2007) 25:443–72.      doi: 10.1146/annurev.immunol.25.022106.141706.

  1. Tay MZ, Poh MC, Rénia L, MacAry AP, Ng LFP. The trinity of COVID19: immunity, inflammation and intervention. Nat Rev Immunol. (2020) 20:363–74. doi: 10.1038/s41577-020-0311-8.
  2. Cao X. COVID-19: immunopathology and its implications for therapy. Nat Rev Immunol. (2020).20:269–70. doi: 10.1038/s41577-020-0308-3.
  1. Manjili RH, Zarei M, Habibi M, Manjili MH. COVID19 as an acute inflammatory disease. J Immunol. (2020) ji2000413. doi: 10.4049/jimmunol.2000413.
  2. Felsenstein S, Herbert AJ, McNamara SP, Hedrich CM. COVID19: Immunology and treatment options. Clin   Immunol.    (2020)   215:108448.    doi:10.1016/j.clim.2020.108448.
  3. Abbas Abul K.. Litchman Andrew General Propieties o f Immune Responses. Cellular and Molecular Immunol ogy, Fifth, pp. 298-317 USA Elsevier Science, Chapter 13 ;pag.
  1. M. Altmann, D. C. Douek, and R. J. Boyton, “What policy makers need to know about COVID-19 protective immunity,” The Lancet, vol. 395, no. 10236, pp. 1527–1529, 2020.
  2. Quan-Xin Long  1,8, Xiao-Jun Tang2,8, Qiu-Lin Shi2,8, Qin Li3,8, Hai-Jun Deng  1,8, Jun Yuan1, Jie-Li Hu1, Wei Xu2 , Yong Zhang  2 , Fa-Jin Lv4, Kun Su3 , Fan Zhang5 , Jiang Gong5 , Bo Wu6, Xia-Mao Liu7 , Jin-Jing Li7 , Jing-Fu Qiu  2 ✉, Juan Chen  1 ✉ and AiLong Huang, Clinical and immunological assessment of asymptomatic SARS-CoV-2 infections, nature medicine, https://doi.org/10.1038/s4159102009656.
  1. Chen Y, Wang AH, Yi B, Ding KQ, Wang HB, Wang JM, et al. The epidemiological characteristics of infection in close contacts of COVID-19 in Ningbo city[J/OL]. Chin J Epidemiol 2020:41.https://doi.org/10.3760/cma.j.cn1123382020030400251.
  1. Gulland A. Could you be a coronavirus super spreader?. 2020 [EB/OL], http://www.telegraph.co.uk/healthfitness/body/ could-coronavirus-super-spreader/. [Accessed 25 March 2020].
  2. Zhou P, Yang XL, Wang XG, Hu B, Zhang L, Zhang W, et al. A pneumonia outbreak associated with a new coronavirus of probable bat origin. Nature 2020;579(7798):270e3.
  3. Luis F Garcia, Immune Response, Inflammation, and the Clinical Spectrum of COVID-19, Front. Immunol.,     16                      June                    2020

| https://doi.org/10.3389/fimmu.2020.01441

PUBLISIDADEiklan

HAKEREK NO HATÁN

Please enter your comment!
Please enter your name here