Pasajeiru hosi rai-li’ur tuun hosi aviaun Citilink iha Aeroportu Comoro, tersa (30/03). Imajen TATOLI/António Gonçalves

DILI, 30 marsu 2021 (TATOLI)—Aviaun Citilink ne’ebé aluga hosi Ajénsia Viajen, ho destinasaun Kuala Lumpur-Dili, aterra iha Aeroportu Internasionál Prezidente Nicolau Lobato, Comoro iha tuku 13:00 oras lokál no aranka iha loron hanesan ho destinasaun Dili-Kuala Lumpur, tula pasajeiru 170, ne’ebé sei kontinua viajen ba Korea, Inglaterra no país seluk tan, maibé haat kansela viajen.

Reprezentante Ajénsia Viajen Cammer pc, unip, Rui Pires, informa, ohin pasajeiru haat ne’ebé hanesan traballadór kansela viajen tanba rezultadu teste swab hatudu pozitivu COVID-19.

“Traballadór timor-oan tolu atu ba Korea no ida atu ba Inglaterra labele halo viajen tanba pozitivu COVID-19,” Rui Pires dehan ba Agência TATOLI, iha Aeroportu Comoro, tersa ne’e.

Notísia relevante: Pasajeiru 162 inklui mate-isin ida to’o iha Aeroportu Comoro

Tuir responsável Ajénsia Viajen ne’e, antes ne’e fó hatene ona ba pasajeiru sira atu mantein disiplina no koopera ho ekipa saúde.

Reprezentante Ajénsia Viajen dehan, prontu responsabiliza voo ba pasajeiru haat ne’ebé ohin la konsege halo viajen bainhira rekupera ona.

“Nu’udar ajénsia ne’ebé maka fó apoiu ba maluk timor-oan, ami iha komitmentu ida atu garante sira-nia billete labele lakon no ajénsia sei aranja viajen ba sira bainhira sira rekupera ona, ami prontu apoiu sira-nia viajen,” nia akresenta.

Jornalista: Natalino Costa

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here