Diretór Ezekutivu SERVE, Florêncio Sanches. Imajen TATOLI/António Gonçalves

DILI, 29 marsu 2021 (TATOLI)–Diretór Ezekutivu Servisu Rejistrasaun no Verifikasaun Emprezariál (SERVE), Florêncio Sanches, informa, durante fulan janeiru to’o fevereiru rejista kompañia foun hamutuk 1.660.

“Razaun kompañia sira rejista tanba atu asesu ba Seguransa Sosiál, finansiamentu hosi banku inklui programa rekuperasaun ekonómika. Ida-ne’e maka indikadór númeru rejista ne’e sa’e,” Diretór Ezekutivu SERVE informa ba Agência TATOLI via telefónika, segunda ne’e.

Iha sorin seluk, to’o oras ne’e Institutu Nasionál Seguransa Sosiál (INSS) rejista ona empreza privadu hamutuk 5.000.

Iha orsamentu 2021, Governu prevee millaun $123,9 ba pakote rekuperasaun ekonómika ho objetivu atu hasa’e empregu, investe iha kapitál sosiál, no promove setór produtivu hodi kontribui ba kreximentu ekonómika.

Planu rekuperasaun ekonómika ne’ebé sei benefisia empreza privadu mak hanesan subsídiu retoma, dispensa kontributiva, apoia espesiál ba traballadór informál no seluk tan.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here