iklan

NASIONÁL, HEADLINE, SAÚDE

Ministru Salvador hato’o sentidu kondolénsia ba família matebian LU

Ministru Salvador hato’o sentidu kondolénsia ba família matebian LU

Traballadór Xineza, Mr. LU, ne’ebé hakotu iis iha loron 26 fulan marsu tinan 2021 iha Munisípiu Liquça. Imajen/Facebook.

DILI, 27 marsu 2021 (TATOLI)—Ministru Obra Públika (MOP), Salvador Eugénio Soares dos Reis Pires, hato’o sentidu kondolénsia profunda ba família matebian Mr. LU ne’ebé hakotu iis iha loron 26 fulan marsu tinan 2021 iha Munisípiu Liquiça.

“Obrigadu ba dedikasaun no kontribuisaun ba melloramentu enérjia eletrisidade iha Timor-Leste,” refere nota ne’ebé Agéncia TATOLI asesu, sábadu ne’e.

Governante ne’e lori nia naran rasik, Vise-Ministru, funsionáriu tomak, hamutuk ho família boot EDTL nian hato’o porfunda agradesimentu ba dedikasaun no servisu tomak ne’ebé matebian serví ona ba nasaun liuhosi Eletricidade de Timor-Leste.

Matebian LU hanesan Traballadór Xineza ne’ebé servisu ho CNI22 iha Sub-Estasaun enérjia eletrisidade iha Munisípiu Liquiça.

Traballadór Xineza ne’e hakotu iis iha nia kuartu, iha 26 marsu (2021) dadeer, tanba sofre moras no daudaun ne’e matebian lori mai ona iha mortuariu Hospitál Nasionál Guidu Valadares-Bidau, Dili.

Jornalista: Florencio Miranda Ximenes

Editór: Cancio Ximenes

iklan
iklan

Leave a Reply

iklan
error: Content is protected !!