Konsultór Hilobada Unip.Lda hamutuk ho konsultór internasionál ba MOP-DNEPCC. Imajen/DNEPCC

DILI, 26 marsu 2021 (TATOLI)­—Konsultór Hilobadi Unip.Lda hamutuk ho Konsultór internasionál aprezenta ona dezeñu no kustu reabilitasaun estrada munisipál Luca to’o Lacluta, munisípiu Viqueque, ho distánsia kilómetru 12,4, ne’ebé atinje ona 95%, ba Ministériu Obra Públika (MOP) liuhosi Diresaun Nasionál Estrada, Ponte no Kontrolu Cheia (DNEPCC, sigla Portugés).

DNEPCC husu konsultór atu aselera prosesu no garante kualidade dezeñu no orsamentu hodi loke konkursu públiku no konstrusaun iha tinan 2021.

“Estudu ba trosu Luca  to’o  Lacluta, ami halo asisténsia tékniku ba konsultór, ne’ebé iha ona faze finál tanba parte balun sei hadi’a henesan orsamentu no durasaun konstrusaun, maibé estudu atinje ona 95% hodi halo kompletu liután no entrega mai DNEPCC iha tempu badak,” Diretór Nasionál Estrada, Ponte no Kontrolu Cheia, João Mário Gama de Sousa, informa ba Agência TATOLI iha ninia knaar fatin, Comoro, Dili, sesta ne’e.

Tuir Diretór ne’e, konsultória sira sei entrega iha fulan ne’e no fulan-oin bele haruka ona ba Ajénsia Dezenvolvimentu Nasionál (ADN) atu verifika, hafoin submete ba Komisaun Nasionál Aprovizionamentu (CNA, sigla Portugés) ne’ebé prosesa durante fulan lima no neen  atu loke konkursu, no hahú inisia faze kontrusaun  iha outubru ou novembru 2021.

Konsultór mensiona dadus relevante ho afetadu projetu iha estudu dezeñu detalladu, maibé la temi totál kustu ba obra tanba atu tama prosesu konkursu públiku.

“Iha konsultasaun públika ne’ebé realiza ona ho autoridade lokál sira inklui abitante afetadu hodi hatama hamutuk iha dokumentu finál obra ne’e, hodi Governu foti medida kompesasaun ba afetadu molok atu komesa konstrusaun obra,” nia hatutan.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here