Primeiru-Ministru, Taur Matan Ruak, prezide reuniaun Konsellu Ministru iha salaun Ministériu Finansa, Aitarak-laran, kuarta (24/03). Imajen TATOLI/Egas Cristóvão

DILI, 24 marsu 2021 (TATOLI)—Governu liuhosi reuniaun Konsellu Ministru (KM) deside termina ona aplikasaun serka sanitária iha postu administrativu Fatumean, munisípiu Covalima ho razaun laiha evolusaun kazu foun COVID-19 iha postu ne’e iha loron ikus.

“Haree ba evolusaun situasaun epidemiolójika iha Fatumean, maka Konsellu Ministru aprova ona Projetu Rezolusaun Governu ne’ebé revoga Rezolusaun Governu númeru 13/2021, loron 10 fulan-marsu, ne’ebé impoin serka sanitária iha postu administrativu Fatumean,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu iha salaun Ministériu Finansa, Aitarak-laran, kuarta ne’e.

Notisia relevante: Governu termina serka sanitária iha Covalima, exetu postu Fatumean

Antes ne’e, iha loron 10 marsu, Governu deside termina períodu serka sanitária no konfinamentu domisiliáriu jerál obrigatóriu iha munisípiu Covalima, maibé nafatin impoin iha ba Fatumean tanba rejista kazu ativu COVID-19 hamutuk 19.

Desizaun KM ne’e, bazeia ba aprezentasaun relatóriu Sala Situasaun Sentru Integragadu Jestaun Krize (CIGC, sigla portugés), katak moras iha postu ne’e kontroladu inklui nível transmisaun mós kontroladu ona.

Jornalista: Antónia Gusmão

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here