Xefe Estadu Maiór Jenerál FALINTIL-Forsa Defeza Timor-Leste (F-FDTL),, Tenente Jenerál Tito da Costa Cristovão ‘Lere Anan Timur’, Imajen/Media F-FDTL..

DILI, 24 marsu 2021 (TATOLI)-Ho situasaun pandemia COVID-19 no tanba mós kestaun orsamentu, Komandu FALINTIL-Forsa Defeza Timor-Leste (F-FDTL)  labele halo rekrutamentu dala ida de’it ba membru foun 600. Tanba ne’e, F-FDTL sei hahú uluk rekrutamentu ba na’in-300.

Notísia Relevante : Komandu F-FDTL sei rekruta membru F-FDTL foun 600 iha 2021

Lia hirak ne’e hato’o hosi Xefe Estadu Maiór Jenerál F-FDTL, Tenente Jenerál Lere Anan Timur, ba jornalista sira, kuarta ne’e, hafoin halo enkontru semanál  ho Prezidente Repúblika, Francisco Guterres “Lú Olo” iha Palásiu Prezidensiál, Dili.

Notísia Relevante : Lere husu MD ezekuta ona OJE 2021 hodi rekruta membru foun F-FDTL

“Planu rekrutamentu membru foun na’in-600, maibé ho situasaun pandemia COVID-19 no orsamentu, labele hala’o dala ida tanba ne’e  sei halo uluk de’it rekrutamentu ba membru  kandidatu efetivu  foun na’in-300 hahú iha abríl ka maiu, tinan ne’e,” Lere Anan Timur hateten.

Lere Anan Timur, tenik bainhira iha  desizaun polítika hosi Governu, tinan ne’e nia laran, bele kontinua rekruta tan iha etapa tuir mai ba membru na’in-300 hodi kompleta númeru membru foun na’in-600.

Jornalista       : Nelson de Sousa

Editór             : Francisco Simões

PUBLISIDADEiklan

1 KOMENTÁRIU

  1. BEM obrigado Hau hkrk atu intervein ituan konaba formulario rekrutamentu membru foun F-FDTL ninian SE bele fo htene Kona ba dokumentus nbe MK Persija atu hatama.e hanesan Hau pesoal iha sertifikat INSTITUTU DEFEZA NASIONAL (IDN) nee bele htama ga laee Tamba iha sertifikado nee Hau rasik tuir treinamentu ho kolonel SR;DONASIANO GOMES KODIGO (KALAMAR FUIK) Nia rasik MK entrega no htte katak sertifikado nbe Ami iha hnsan (IDN) prontu atu hatama SE bainhira iha ona planu atu halo rekrutamentu Membru foun F-FDTL …….

    naran kompletu :EDI RAMOS SOARES PINTO
    fakuldade :DIREITO
    Departamentu: DIREITO JERAL
    Semester:(V)
    UNVERCIDADE :(UNPAZ)
    tinan : 23 anos
    Alturas :165:
    No:76806846

    Hakarak sai membru F-FDTL hodi lutu ba nasaun..

    Obrigado.

HAKEREK NO HATÁN

Please enter your comment!
Please enter your name here