Aviaun Qantas. Imajen/The Guardian

DILI, 22 marsu 2021 (TATOLI)—Aviaun KIWI 328 tipu Hercules C-130 hosi Nova Zelándia sei transporta ekipamentu protesaun COVID-19 mai Timor-Leste, ne’ebé tuir ajenda sei to’o iha Aeroportu Internasionál Prezidente Nicolau Lobato, Comoro, Dili, iha tersa (23/03) 09:02 dadeer no iha tuku 11:02 aviaun ne’e sei aranka filafali bá Nova Zelándia.

Voo ho tipu charter ne’e, bazeia ba pedidu hosi Embaixada Nova Zelandia ne’ebé diriji ba parte Autoridade Aviasaun Sivíl Timor-Leste (AACTL, sigla portugés), ne’ebé antes ne’e Governu nasaun rua kompremetidu hakarak tulun malu iha situasaun COVID-19 liuhosi apoiu úmanitariu.

Tuir nota ne’ebé Agência TATOLI asesu iha segunda ne’e, aviaun ne’e sei tula ekipamentu protesaun COVID-19 inklui pasajeiru balun ne’ebé tuir ona protokolu prevensaun COVID-19 hosi Ministériu Saúde.

Nune’e mós, iha kuarta (24/03), aviaun Qantas tipu B737-800 hosi Darwin sei to’o iha Aeroportu Comoro iha tuku 11:20 dadeer no sei aranka filafali bá Darwin tuku 13:20 lorokraik.

Voo ne’ebé charter hosi Bolloré Logistic Timor-Leste, sei tula ekipamentu projetu Portu Tibar, traballadór balun inklui ekipamentu protesaun COVID-19.

 Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here