Ilustrasaun Vasina. Imajen/Espesiál

DILI, 22 marsu 2021 (TATOLI)—Diretór Sentru Saúde Munisípiu Ermera, António de Deus Fátima, hateten sentru saúde Ermera halo hela preparasaun ba vasinasaun COVID-19 nian ne’ebé sei akontese iha loron 7 fulan-abril tinan ne’e.

Notísia Relevante: PR Lú Olo husu Governu atu implementa lalais programa vasinasaun

“Ami-nia ekipa saúde Ermera halo hela preparasaun ba vasinasaun COVID-19 nian, nune’e loron 28 marsu agora ami fó formasaun ba pesoál saúde no ba ida-ne’e ami sei hetan apoiu tékniku hosi WHO,” António de Deus Fátima informa ba Ajénsia TATOLI, liuhosi telefónika, segunda ne’e.

Nia hatutan, tanba hela de’it semana rua atu realiza programa vasinasaun COVID-19 nian, entaun ekipa Sentru Saúde Ermera hanoin prepara antes oinsá atu atende ema no fó vasinasaun ne’e.

“Ita tenke antesipa prepara antes tanba vasinasaun ne’e besik ona,” nia dehan.

Diretór Saúde Ermera ne’e hateten, iha loron 29 marsu ne’e sei halo preparasaun liuhosi halo advokásia ne’ebé ekipa nasionál ho nia ekipa sira sei tún direta atu halo advokásia durante loron ida ba pesoál saúde no Polísia Nasionál Timor-Leste (PNTL) atu bele komprende.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here