Produtu lokál iha Merkadu Taibesi. Imajen TATOLI/António Gonçalves

DILI, 21 marsu 2020 (TATOLI)Ministériu Finansa (MF) liuhosi Diresaun Jerál Estatístika (DGE, sigla portugés) fó sai mudansan persentajen Índise Presu Konsumedór (IPK) hosi grupu hotu iha fevereiru 2021, sa’e ba +0,4% kompara ho janeiru +1%.

“Mudansa presu grupu hotu +0,4%, kontribui hosi grupu hahán no bebidas la’ós Alkólika +0,6%, ekipamentu no manutensaun mobiliáriu uma-laran +0,6%, no alkóhol no tabaku +0,2%,” refere nota hosi MF ne’ebé Agência TATOLI asesu, domingu ne’e. 

Grupu roupa no sapatu iha mudansa -0,1%, ne’ebé kontráriu ho inflasaun grupu hotu, enkuantu, hahán no bebidas la’ós alkólika sa’e tanba impaktu maioria hosi sub-grupu modo-tahan +1,5%, foos +0,6%, susubeen, keiju no manu-tolun +1,4%, mina no bokur +0,6%, no Ai-fuan +1,0%.

Nune’e mós, ba kafé, xá, no kakau -0,5% sai hanesan mudansa kontráriu ba inflasaun grupu hahán no bebidas la’ós alkólika.

“Mudansa persentajen IPK annuál sa’e +2,5%, kompara entre fevereiru 2021 ho fevereiru 2020, ne’ebé hetan kontribuisaun hosi grupu hahán no bebida la’ós alkólika +4%, alkohol no tabaku +5,5%, uma +0,3%, no ekipamentu no manutensaun mobiliáriu uma-laran +0,1%,” subliña nota komunikadu.

Ba transporte -1,1%, roupa no sapatu -0,1%, no rekreasaun no kultura -0,1%, sai hanesan mudansa kontráriu ba annuál fevereiru 2021.

Inflasaun negosiável sa’e +0,4% no non-negosiável sa’e +0,1% iha mensál, kompara entre fevereiru 2021 ho janeiru 2021.

“Inflasaun negosiável sa’e +3,1% no non-negosiável sa’e +0,9% iha annuál, kompara entre fevereiru 2021 ho fevereiru 2020.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here