Logotipu BNCTL. Imajen/Espesiál

DILI, 21 marsu 2021 (TATOLI)-Banku Nasionál Komérsiu Timor-Leste (BNCTL, sigla portugés) husu ba estudante universitáriu sira ne’ebé hela iha Dili, bainhira seidauk iha konta bankária no kartaun débitu, bele trata hodi hafasil inan-aman halo transferénsia osan iha ámbitu aplikasaun serka Sanitária no konfinamentu domisiliáriu jerál liga ho surtu COVID-19 iha Timor-Leste.

“Ba sira (estudante) ne’ebé seidauk iha konta, bele mai loke konta bankária. Lori de’it kartaun identidade hanesan kartaun Eleitorál ka Bilhete de Identidade (BI), kartaun estudante, prienxe formuláriu no la presiza halo depózitu inisiál. BNCTL sei oferese kartaun débitu ou kartaun Automated Teller Machine (ATM) gratuitu,” Diretór Ezekutivu BNCTL, Brígido de Sousa, informa liuhosi ninia pájina, iha domingu ne’e.

Enkuantu, ba estudante sira ne’ebé iha ona konta bankária, bele informa númeru konta hodi husu inan-aman ka família atu haruka osan liuhosi sukursál BNCTL ne’ebé estabelese ona iha munisípiu 12 inklui Atauro no Maubisse.

“BNCTL sei la aplika kualkér taxa ba transferénsia entre konta iha banku,” Dirijente Banku Nasionál ne’e akresenta.

Biban ne’e, responsável banku ne’e mós apela populasaun tomak atu kuidadu no hadok-an hosi COVID-19 no kumpre medida preventiva sira ne’ebé autoridade estabelese ona.

Jornalista: Antónia Gusmão

Editora: Julia Chatarina

PUBLISIDADEiklan

1 KOMENTÁRIU

  1. Agora situasaun pandemia covid-19 oinsa atu ba urus kartaun refere, wainhira serka sanitária né remata sei nele urus ho gratuita ou lae???

HAKEREK NO HATÁN

Please enter your comment!
Please enter your name here