Traballadór sira husi kompañia China Harbour bainhira to’o iha aeroportu Internasionál Prezidente Nicolau Lobato, Dili ho aviaun AirAsia, sábadu 20 marsu 2021. Imajen Tatoli/António Gonçalves

DILI, 20 marsu 2021 (TATOLI) -Traballadór estranjeiru  na’in-154 hosi kompañia China Harbour ne’ebé ezekuta mega projetu Portu Tibar, ohin, tuku 17:00 Otl, to’o iha Dili ho aviaun AirAsia 9M-AGH.

Tuir loloos Aviaun AirAsia 9M-AGH tula pasajeiru traballadór kompañia China Harbour nian na’in-157 mai Dili, maibé na’in-tolu kansela tiha sira-nia viajen mai Dili.

Notísia Relevante : Pasajeiru 190 ne’ebé mai ho euroAtlantic iha ona kuarentena

Traballadór sira hosi kompañia China Harbour forma hodi halo teste ba sira-nia temperatura fíziku bainhira to’o iha aeroportu Internasionál Prezidente Nicolau Lobato, Dili ho aviaun AirAsia, sábadu 20 marsu 2021. Imajen Tatoli/António Gonçalves

Bainhira pasajeiru aviaun AirAsia ne’e tun hosi aviaun la’o tuir liña no submete ba teste temperatura fizika no ekipa saúde dezinfeta  sira-nia sasán hotu iha Aeroportu Internasionál Prezidente Nicolau Lobato.

Observasaun Agência Tatoli nian iha aeroportu hatudu katak ekipa saúde sira ho koidadu tebes halo dezinfeta ba iha sasán ne’ebé ema hirak ne’e lori, hanesan koper ho sasán sira seluk ne’ebé mak hatún hosi aviaun no tula hosi seguransa sira.

Pasajeiru sira ne’ebé maioria sidadaun Xina ne’e bainhira dezinfeta ona tenke hein sira seluk ne’ebé mak seidauk dezinfeta molok tama ba forma iha Migrasaun atu halo pasa revista no tau karimbu ba sira-nia pasaporte.

Ekipa saúde kontinua aplika regra saúde públiku ba pasajeiru sira ne’e hodi fase-liman ho sabaun, teste sira-nia temperatura  no forma ho distánsia fíziku.

Ekipa saúde mós evakua kedas traballadór 154 ne’e ba kumpre konfinamentu obrigatóriu ne’ebé mak prepara ona hosi Governu iha Golgota, Tibar no Ulmera.

Jornalista   :Domingos Piedade Freitas

Editór        :Francisco Simões

 

PUBLISIDADEiklan

HAKEREK NO HATÁN

Please enter your comment!
Please enter your name here