Koordenadór Forsa-Tarefa ba Prevensaun no Mitigasaun surtu COVID-19, Rui Maria de Araújo. Imajen TATOLI/Egas Cristóvão.

DILI, 17 marsu 2021 (TATOLI)—Sala Situasaun Centro Integrado Gestão de Crise (SS-CIGC), rejista ona pedidu hosi estudante no joven-sira ne’ebé hakarak atu ba Munisípiu, hamutuk 200-resin.

“Pedidu-sira ne’ebé tama liu hosi dijitál hanesan email, whatsApp,  maioria estudante no  joven-sira ne’ebé atu sai ba Munisípiu,” Koordenadór Forsa-Tarefa ba Prevensaun no Mitigasaun, Rui Maria de Araújo hateten liu hosi konferénsia imprensa zoom iha Centro Convenções Dili (CCD), kuarta ne’e.

Notisia relevante:  COVID-19: pozitivu foun ualu hosi Dili-Baucau-RAEOA, izolamentu 107

Nia dehan, rezolusaun Governu-nian kona-bá serka sanitária iha Munisípiu tolu hanesan Dili Baucau no Viqueque define klaru, ho baze ida ne’e mak SS-CIGC fó autorizasaun, tanba pedidu sira ne’e iha razaun kona-bá menus ai-han no inan-aman sira labele haruka osan hosi foho.

Tanba ne’e, ekipa SS-CIGC mós serbisu hamutuk ho Ministériu relevante-sira atu bele rezolve estudante sira-nia nesesidade kona-bá ai-han.

Parte SS-CIGC seidauk bele hala’o teste ba ema sira ne’ebé sai hosi Dili ba Munisípiu, tanba kapasidade laboratóriu sei limitadu no presiza foku teste ba sira ne’ebé kontaktu besik ho kazu pozitivu-sira.

Entretantu, pedidu atu sai, ka atu tama ba Munisípiu-sira ne’ebé Governu impoin ona serka sanitária, tenki diriji hotu ba Diretór SS-CIGC, Brigadeiru Jenerál João Miranda ‘Aluk’, liu hosi email centrointegradogestaodecrises@gmail.com, bele mós haruka WhatsApp ba 77575152 ka 74236509, bele mós telefona ba 77539773 hodi halo follow up.

Notisia relevante:  Hakarak tama-sai munisípiu ne’ebé iha SS tenke husu ba ‘Aluk’

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here