Xefe Suku Fatuhada, Marcelino Soares organiza hela komunidade aldeia 05 atu submete ba teste swab. Imajen Tatoli/António Gonçalves.

DILI, 17 marsu 2021 (TATOLI)—Ekipa Saúde halo teste swab ba komunidade  iha  aldeia 05, suku Fatuhada, postu administrativu Dom Aleixo, Munisípiu Dili, kuarta ne’e.

Xefi suku Fatuhada, Marcelino Soares, hateten inisitiva hodi halo teste swab iha aldeia ne’e tanba aldeia 05 iha ona pasiente COVID-19 na’in haat.

Notisia relevante:  COVID-19: pozitivu foun ualu hosi Dili-Baucau-RAEOA, izolamentu 107

“Entaun, Xefe aldeia sira tenke aviza ba  komunidade atu mai halo teste swab, nune’e prevene sira-nia saúde,” Marcelino Soares hateten ba jornalista-sira.

Xefe Suku ne’e dehan, realizasaun teste swab masál iha aldeia ne’e laiha koordenasaun ho Sala Situação Centro Integrado Gestão de Crise (SS-CIGC), maibé tanba Autoridade lokál sira sempre akompaña informasaun liu hosi televizaun, kona-bá komunidade ne’ebé afetadu ba COVID-19, nune’e konsege organiza no bele lori médiku-sira mai halo teste.

Nia mós informa katak, komunidade iha Fatuhade kumpre regra serka sanitária hodi hela de’it iha uma tanba lakohi atu virus ne’e da’et ba ema seluk.

Suku Fatuhada iha populasaun hamutuk 18.000 no iha xefe família hamutuk 3.000-resin.

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here