Estudante eskola filiál Komandante Maubuti foto hamutuk ho Komandante kompañia Delta, Komponente Terrestre, FALINTIL-Forsa Defeza Timor Leste (F-FDTL) Baucau, Tenente Baldino Julião António Martins. Imajen/Espesiál.

DILI, 17 marsu 2021 (TATOLI)—Eskola hamutuk 29 kompostu hosi Edukasaun Pre-Eskolár (EPE) no Ensino Basico Central (EBC), iha Munisípiu Baucau sei implementa Programa Merenda Eskolár (ME), ho orsamentu $371.703.

Diretór Serbisu Edukasaun Munisípiu Baucau (SEMB), Felix Ximenes, hateten tuir loloos orsamentu ne’ebé transfere hosi Ministériu Administrasaun Estatál (MAE), uza ba Programa Merenda Eskolár durante fulan haat, hahú hosi fevereiru to’o maiu.

Notisia relevante:  MAE prevee millaun $15 ba Merenda Eskolár

“Maibé, Programa ne’e seidauk bele implementa tanba munisípiu ne’e tama mós iha serka sanitária no atividade eskolár sei suspende provizóriu to’o 29 marsu,” Felix Ximenes hateten ba jornalista Agência Tatoli via telefónika, kuarta ne’e.

Deskrisaun hosi eskola 29 ne’ebé sei implementa ME ba fulan haat ne’e kompostu hosi Edukasaun Pre-Eskolár haat, Ensinu Báziku 25 (sentrál 17 no Filiál ualu).

Nia mós informa katak, implementasaun programa ne’e depende ba desizaun Governu, bainhira  serka sanitária remata iha fim fulan marsu, maka sei implementa ME iha fulan abríl.

Entretantu, eskola 29 ne’e mak hanesan EPE komunidade Larisula Baguia, EPE komunidade Baha-dato Venilale, EPE komunidade Loi-lubo, EPE komunidade Abo Lir, EBC Trilolo, EBC Vila Nova, EBC Uailili, EBC Gari Uai, EBC Atubaka, EBC Seiçál, EBC Soba Laga, EBC Borudus Atelari, EBC Bua Ua Lavateri, EBC Baguia, EBC Osahuna Baguia, EBC Letemumo, EBF Aiama Baukau, EBF Badomori Venilale, EBF Fatulia Venilale, EBF Ariana Venilale, EBF Saelari Venilale, EBF Daralafa Venilale no EBF Colocaro Quelicai.

Jornalista: Tomé Amado

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here