Mapa Munisípiu Liquiça. Imajen/Google

LIQUIÇA, 17 marsu 2021 (TATOLI) – Abitante hamutuk 2000-resin horik iha Suku Asumanu, Postu Administrativu Liquiça, Munisípiu Liquiça, to’o ohin loron, seidauk simu cesta bázika.

“Ami to’o agora seidauk hetan kontaktu hosi kompañia fornesedór cesta bázika, tanba ne’e komunidade sira seidauk simu,” Xefe Suku Asumano, Bernadino Martins,  informa ba Agência Tatoli, iha nia rezidénsia iha Liquiça, kuarta ne’e.

Notísia Relevante : Fornesedór Cesta Bázika iha Liquiçá-Vila husu Governu aselera pagamentu

Nia informa fulan hira ba kotuk ne’e kompañia sempre kontaktu hela de’it, maibé la’ós iha ne’e  Leotela, Luklai, Darulete no Asumanu rasik mós seidauk hetan hotu.

Komunidade hirak ne’e mai hosi Aldeia Kaikasheku, Siskoelema, Hatumatilu no Kirilelo.

Iha fatin seluk,  na’in ba kompañia Gren Motain, Domingos Soares Pereira,  informa sira-nia parte prontu hela atu distribui sasán ba komunidade suku haat ne’e, maibé tanba situasaun serka sanitaria ne’ebé hala’o iha Dili mak difikulta kompañia atu halo movimentu ba nesesidade distribuisaun nian.

“Ami mós triste tebes, agora situasaun global COVID-19 ne’e mak halo entaun ita seidauk bele atu ba distribui sasán cesta bázika ba ita-nia komunidade sira. Sasán ami prepara hotu ona, hein iha loron 02 abríl, serka sanitaria remata no iha loron 03 abríl ba leten bele komesa ona halo distribuisaun,” Domingos Soares Pereira hateten.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here