Ilustrasaun email. Imajen/MarketingLand

DILI, 16 marsu 2021 (TATOLI)—Vise Primeiru Ministru no Ministériu Planu no Ordenamentu (MPO), husu ba sidadaun sira ne’ebé mak atu submete dokumentu ruma liga ho servisu ministériu, bele liu email ho enderesu gabinete.vpm.mpo@gmail.com.

Xefe Gabinete  MPO, José Lourenço, hateten inisiativa ne’e tanba daudaun Dili iha períodu serka sanitária to’o 02 abríl no haree ba evolusaun COVID-19 iha munisípiu ne’e aumenta ba bebeik.

“Ministériu Planu no Ordenamentu kumpre medida ne’ebé Governu estabelese no hakarak koopera atu evita moras ne’e hada’et liután. Tanba ne’e husu maluk sira-nia kompreensaun no husu dokumentu ne’ebé atu entrega Vise Primeiru-Ministru no Ministru ba Planu no Ordenamentu, bele hato’o via kontaktu email,” Xefe Gabinete  informa liuhosi nota imprensa ne’ebé Agência TATOLI asesu, tersa ne’e.

Notísia relevante: Governu deside estende serka sanitária iha Dili to’o 02 abríl

Iha períodu serka sanitária no konfinamentu obrigatóriu iha Dili ne’ebé Governu hatuur iha Rezolusaun númeru 16/2021, 15 marsu, bandu sirkulasaun sidadaun iha munisípiu laran, ho exesaun ne’ebé prevee iha lei.

Governu mós deside impoin serka sanitária no konfinamentu obrigatóriu iha munisípiu Baucau no Viqueque, hahú loron 16 to’o 29 marsu 2021, tanba munisípiu rua ne’e rejista ona kazu ativu COVID-19.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here