Diretór Operasaun AIFAESA, Gabriel da Costa. Imajen TATOLI/Egas Cristóvão

DILI, 16 marsu 2021 (TATOLI)—Autoridade Inspesaun no Fiskalizasaun Atividade Ekonómika, Sanitária no  Alimentar (AIFAESA) simu reklamasaun folin foos sa’e iha munisípiu haat, durante períodu serka sanitária no konfinamentu obrigatóriu iha Dili.

“Durante períodu ne’e, ami simu reklasaun tolu hosi komunidade iha Baucau no horiseik Komadante Polísia munisípiu Baucau informa katak folin foos komesa sa’e, tanba ne’e husu AIFAESA halo intervesaun imediatu. Ami mós simu informsaun katak folin foos sa’e iha Liquiçá, Ermera no Manufahi,” Diretór Operasaun AIFAESA, Gabriel da Costa, informa ba Agência TATOLI via telefónika, tersa ne’e.

Notísia relevante: Folin foos iha Liquiça sa’e ba $16 to’o $19

Tanba ne’e, parte AIFAESA halo ona enkotru ho entidade relevante atu buka solusaun ba kestaun ne’e.

“Ami ohin halo enkontru ho ami-nia Koordenadór Jerál hodi ko’alia kona-ba kestaun ne’e no tempu badak ami sei desloka ba munísipiu sira ne’e hodi halo intervensaun,” nia akresenta.

AIFAESA sei hosu autorizasaun ba Sala Situasaun Sentru Integradu Jestaun Krize (CIGC, sigla portugés) ba desklokasaun.

“Ami sei serbisu hamutuk ho Sala SItuasaun atu haree kestaun ne’e hodi autoriza ami-nia desklokasaun, nune’e ami bele halo inspesaun ba operadór ekonómiku sira iha munisípiu sira,” nia hatutan.

Jornalista: Natalino Costa

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here