Ministru Transporte no Komunikasaun, José Agostinho da Silva. Imajen António Goncalves

DILI, 13 marsu 2021 (TATOLI)—Ministru Transporte Komunikasaun (MTK), José Agostinho da Silva, hateten durante aplikasaun serka sanitaria iha Dili, funsionamentu servisu administrasaun iha Ministériu Transporte Komunikasaun (MTK) la’o normál.

“Ha’u-nia hatene, funsionamentu servisu administrasaun iha Ministériu Transporta Komunikasaun liuliu kona-ba servisu esensiál sira la’o hanesan baibain, hodi halo no fó atendimentu ba públiku,” José Agostinho da Silva hateten ba Agência TATOLI liuhosi telefónika, sábadu ne’e.

Governante ne’e hatutan, maske Timor-Leste enfrenta situasaun ba pandemia COVID-19 no Governu implementa serka sanitária no konfinamentu obrigatóriu iha Kapitál Dili, maibé situasaun hirak ne’e lahamate servisu ba atendimentu públiku.

“Ita oinsá mak asegura ita-nia movimentu sira la’o nafatin. Mezmu ke iha obstakulu kauza hosi COVID-19, ita tenke para lai servisu, parte balun mak ita tolera. Maibé, ida esensiál no funsionamentu servisu atende públiku ne’e tenke la’o normál nafatin,” nia hateten.

Nia dehan, situsaun ne’e la’os de’it akontese iha Ministeriu Transporte Komunikasaun de’it maibé ida-ne’e vale ba liña ministériu sira hotu.

Jornalista: Natalino Costa

Editór: Cancio Ximenes

HAKEREK NO HATÁN

Please enter your comment!
Please enter your name here