Atividade iha Portu Dili. Imajen TATOLI/Egas Cristóvão

DILI, 12 marsu 2021 (TATOLI)–Prezidente Konsellu Administrasaun Autoridade Portuáriu Timor-Leste (APORTIL), Flávio Cardoso Neves, hateten, funsionamentu Portu Dili kontinua la’o normál maibé funsionáriu sira serbisu tuir turnu ne’ebé define ona.

“Lala’ok portu nafatin desde aplika Estadu Emerjénsia (EE) dahuluk to’o agora, portu halo servisu normál. Funsionáriu sira aplika turnu, ne’ebé la presiza mai hotu, tanba tenke kumpre serka sanitária ne’ebé Governu aplika, liu-liu labele halibur ema barak, importante bele fasilita atendimentu importadór hatama nesesidade bázika ba interese públiku,” Prezidente APORTIL informa iha Portu Dili, sesta ne’e.

Aleinde ne’e, parte Portu Dili kontinua kolabora hamutuk ho institusaun relevante sira seluk hanesan Alfándega, Kuarentina, saúde no Polísia Marítima atu hasoru situasaun Estadu no povu durante aplikasaun serka sanitária no EE.

“Ita-nia atensaun, bele fasilita portu prepara asegura nesesidade bázika kontinua tama hodi responde ba nesesidade povu,” nia akresenta.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here