Embaixadóra Timor-Leste ba Australia, Ines da Almeida. Imajen/Mídia G-PR

DILI, 12 marsu 2021 (TATOLI) – Pandemia COVID-19 halo ema pániku, maibe estudante Timor-oan na’in-60 ne’ebé hala’o sira-nia estudu iha Austrália iha seguru nia-laran no sira kontinua foku ba sira-nia estudu.

“Tuir dadus ne’ebé ami iha, ita-nia estudante iha Austrália hamutuk 60. Sira-ne’e balun estuda ba lisensiatura no balun ba mestradu,” Embaixadóra Timor-Leste ba Australia, Ines da Almeida, informa  ba Agência Tatoli liuhosi mensajen  WhatsApp, sesta ne’e.

Notísia Relevante : To’os-na’in iha Tasmania husu Timor-oan 300 ba serbisu ku’u ai-fuan

Embaixada TL nian iha Austrália rejista katak Estudante hirak ne’e balun hetan bolsa estudu hosi Governu Australia, balun hetan bolsu estudu hosi Governu Timor-Leste no balun selu rasik sira-nia estudu.

“Estudante sira iha ne’e sira nia kondisaun di’ak hela, iha tinan kotuk ita nia Governu fó subsídiu uitoan, maibé ba de’it estudante hirak ne’ebé selu rasik (naun bolseiru) no estudante sira ne’ebé hetan bolsa hosi Australia no Timor-Leste la hetan no sira nafatin hetan sira nia subsídiu kada fulan,” Ines da Almeida informa.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here