Médiku-sira hala’o teste swab ba membru Parlamentu Nasionál, Tersa (9/03/21). Imajen Tatoli/António Gonçalves.

DILI, 12 marsu 2021 (TATOLI)—Sala Situação Centro Integrado Gestão de Crises (SS- CIGC), sei halo rekomendasaun ba Governu kona-bá estensaun serka sanitária iha Dili, bazeia ba dezenvolvimentu kazu COVID-19.

Koordenadór Forsa-Tarefa ba Prevensaun no Mitigasaun Surtu COVID-19 iha Timor-Leste, Rui Maria de Araújo, hato’o asuntu ne’e liu hosi konferénsia imprensa iha Centro Convenções Dili (CCD), sesta ne’e.

Notísia Relevante:Reuniaun KM: deside serka sanitária iha Dili durante loron hitu

“SS-CIGC sei rekomenda ba Governu, tuir dezenvolvimentu kazu ne’ebé agora daudaun ita hotu akompaña,’’ Rui Maria de Araújo hateten ba jornalista-sira.

To’o ohin loron, SS-CIGC rejista tan kazu pozitivu foun hamutuk 11 iha Dili, no númeru ativu ne’ebé iha sala izolamentu aumenta ba 76.

Hosi totál númeru 76 ne’e, Munisípiu Dili de’it hamutuk 47 ne’ebé detetadu hahú hosi 7 marsu, to’o ohin loron.

Entretantu, Governu liu hosi Reuniaun Konsellu Ministru (KM) estraordinária iha 8 marsu deside aplika serka sanitária iha munisípiu Dili durante loron-hitu, hahú hosi oras 00:00 no remata iha loron 15 marsu.

Notísia Relevante:COVID-19: pozitivu foun 11 iha Dili, ativu 76

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here