Estudante sira Munsipiu Viqueque. Imajen Tatoli/Xisto Freitas

DILI, 12 marsu 2021 (TATOLI) – Eskola Ensinu Báziku (EB) hamutuk 18 iha Munisípiu Viqueque implementa ona programa Merenda Eskolár (ME).

Implementasaun programa merenda eskolár ba Eskola Ensinu Báziku  hirak ne’e bazeia ba orsamentu ho montante $116,581.50 ne’ebé aloka hosi Dirasaun Nasionál Finansa Munisípiu, Ministériu Administrasaun Estatál (DNFM-MAE).

Notísia Relevante : Revizaun Manuál ME Bandu Menu “Ayam Potong” no “Supermie”

Diretór Serbisu Edukasaun Munisípiu Viqueque (DSEMV), Emidio Amaral, informa orsamentu $116,581.50 bá ME ne’e aloka direita hosi DNFM-MAE nian ba konta bankária Munisípiu nian depois mak transfere fali ba konta bankária kada eskola 18 iha Viqueque laran.

Ba Agência Tatoli via telefone, sesta ne’e, Emidio Amaral informa eskola sira benefisiáriu hosi osan programa merenda eskolar nian ne’e, maka hanesan EBC Viqueque, EBC 02 Kabira-oan, EBC Beaço, EBC Kaiju-laran, EBC Welolo, EBC Lakluta, EBC Watulari, EBC Umusegue, EBC Hainaudere, EBC Irale, EBC Naedala, EBC Wani- uma, EBC Watukarabau, EBC 28 Novembru, EBC Mundu Perdidu, EBC Osso Lequimeta, EBC Nahareca  no EBC Bimali.

Diretór ne’e mós afirma katak total orsamentu ne’e rasik kategoria ba fulan ida nian, ne’ebé estudante hamutuk 19.833 hosi eskola Ensinu Báziku 18, kada estudante hetan $0,25 kada loron.

Programa Merenda Eskolár iha Viqueque hahú ona iha marsu ne’e. Ho nune’e, Emidio Amaral espera katak situasaun di’ak nafatin atu programa ne’e bele kontinua.

Jornalista : Tomé Amado

Editór : Cipriano Colo

 

HAKEREK NO HATÁN

Please enter your comment!
Please enter your name here