Atividade hatun nesesidade bázika iha Portu Dili. Imajen TATOLI/António Gonçalves

DILI, 12 marsu 2021 (TATOLI)—Durante implementasaun Estadu Emerjénsia (EE) hahú tinan kotuk to’o agora, movimentu ró iha Portu Dili menus kompara ho tempu normál.

Desde situasaun COVID-19 no bainhira ita implementa Estadu Emerjénsia hahú marsu 2020 to’o kedan agora, movimentu ró tun uitoan. Uluk seidauk aplika Estadu Emerjensia, semana ida bele tama to’o lima lae neen, maibé agora semana ida ró ida de’it mak tama,” Prezidente Konsellu Administrasaun Autoridade Portuáriu Timor-Leste (APORTIL), Flávio Cardoso Neves, informa, iha Portu Dili, sesta ne’e.

Maski nune’e,  ró ne’ebé lori nesesidade bázika kontinua tama, maibé trava importasaun veíkulu.

“Ita-nia kompañia balun ne’ebé maka importa foos, mina, no nesesidade bázika seluk nafatin tama. Ró hosi Vietname, Singapura, no  Austrália dalaruma sira tama bebeik  hodi lori nesesidade bázika ne’ebé kompañia lokál importa,” nia akresenta.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here