Atividade hatun nesesidade bázika iha Portu Dili. Imajen TATOLI/António Gonçalves

DILI, 12 marsu 2021 (TATOLI)–Prezidente Konsellu Administrasaun Autoridade Portuáriu Timor-Leste (APORTIL), Flávio Cardoso Neves, hateten, durante períodu Estadu Emerjensia (EE) no serka sanitária, sei trava importasaun veíkulu no importánsia ba nesesidade báziku.

“Bazeia ba orientasaun Ministru Transporte no Komunikasaun, sasán sira ne’ebé la’ós neseidade bázika iha Estadu Emerjénsia bele trava hanesan karreta no motór,” Prezidente APORTIL, informa iha Portu Dili, sesta ne’e.

Notísia relevante: KM aprova medida ezekusaun EE ba da-11

EE da-11 abranje territóriu nasionál tomak no vigora hahú oras 00:00 loron 04 marsu 2021 to’o oras 23:59 iha loron 02 abríl 2021.

Servisu APORTIL maka atu kontrola movimentu iha Portu Dili no garante sasán nesesidade bázika bele tama nafatin.

“Portu loke nafatin no kontinua fasilita sasán tama, maibé husu ba kompañia sira labele uza Estadu Emerjénsia ba kestaun seluk,” nia akresenta.

Nia parte fó ona orientasaun ba pesoál iha portuáriu atu autoriza importasaun ba sasán nesesidade bázika no bele rezolve administrasaun ikus.

“Ha’u hanoin institusaun hotu hanesan, la’ós APORTIL de’it, tanba ema hotu tenke komprende situsaun ne’ebé ita enfrenta. Prosesu administrasaun bele muda uitoan, sira bele prenxe fali hafoin Estadu Emerjénsia,” nia hatutan.

Jornalista: Natalino Costa

Editora: Julia Chatarina 

HAKEREK NO HATÁN

Please enter your comment!
Please enter your name here