Segundu Komandante PNTL Munisípiu Dili, Superintendente Euclides Belo. Imajen Tatoli/Eugénio Pereira

DILI, 10 marsu 2021 (TATOLI)-Komandu Polísia Nasionál Timor-Leste (PNTL) Munisípiu Dili, detein sidadaun mane na’in-rua (2) ne’ebé viola regra serka sanitária hodi tenta dezvia hosi Dili atu ba munisípiu seluk.

Segundu Komandante PNT, Munisípiu Dili, Superintendente Euclides Belo, informa iha aplikasaun serka sanitária iha Kapitál Dili bandu sirkulasaun movimentu ema ho transporte atu sai hosi Dili ba munisípiu seluk. Tanba ne’e ba abitante sira ne’ebé atu sai hosi Dili ba munisípiu seluk tenke justifika nesesidade urjente no  tenke iha autorizasaun formal liuhosi Ministériu Interiór (MI) ho koordenasaun ho Sala Situasaun Sentru Integradu Jestaun Krize (CIGC).

Notísia Relevante : COVID-19, ema tuda ekipa saúde bainhira foti amostra swab

“Iha abitante na’in-rua, mane de’it,  ne’ebé  tenta dezvia liuhosi dalan klandestina iha area Tasi Tolu nian atu sai hosi Dili  ba munisípiu seluk, maibé ita deteta daudaun detein hodi submete ba investigasaun,’’ Euclides Belo hateten ba jornalista, kuarta ne’e, iha Komandu PNTL Munisípiu, Dili.

Nia dehan, iha sidadaun na’in-ida mak daudaun ne’e detein hela iha sela tanba  polísia identifika mós viola lei tránzitu rodoviáriu karta kondusaun laiha no  ida seluk halo ona identifikasaun durante oras 12 sei aprezenta ba Ministériu Públiku (MP).

Komandu PNTL Dili halo koordenasaun servisu hamutuk ho komandu Munisípiu Liquiça, Aileu ho Manatuto hodi bele garante sidadaun sira nia sirkulasaun saida de’it tenke iha guia de marsa hodi liuhosi dalan legál hodi halo prevensaun ba COVID-19.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here