Risku klimátiku. Imajen/Iberdlola

DILI, 10 marsu 2021 (TATOLI)–Ministru Koordenadór Asuntu Ekonómiku (MKAE), Joaquim Amaral no Sekretáriu Estadu Ambiente (SEA), Demétrio do Amaral de Carvalho, halo aprezentasaun ida iha Konsellu Ministru (KM) kona-ba planu adaptasaun nasionál Timor-Leste ba risku klimátiku sira no ba kriasaun rezilénsia klimátika.

Ministru Prezidénsia Konsellu Ministru, Fidelis Manuel Leite Magalhães, hateten ezekutivu sira apresia aprezentasaun no tempu tuir-mai sei kria rezolusaun ida atubele hatúr pozisaun polítika Governu ba aprezentasaun ne’e.

“Planu ne’e hatuur medida konjunta ho objetivu atu hatán ba ameasa alterasaun klimátika no hamenus impaktu vulnerabilidade nasionál hanesan elevasaun nível tasi, inundasaun, anin boot, udan maka’as, bailoron ka akesimentu globál,” Ministru Fidelis relata hafoin reuniaun ezekutivu iha salaun Ministériu Finansa (MF), Aitarak-laran, kuarta ne’e.

KM aprova ona planu ne’e no agora submete ona ba Konvensaun-Kuadru Nasaun Unida kona-ba mudansa klimátika.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here