iklan

COVID-19, HEADLINE, SAÚDE

COVID-19: CIGC husu pasiente G tenke ko’alia onestu

COVID-19: CIGC husu pasiente G tenke ko’alia onestu

Vise-Koordenadora Forsa-Tarefa ba Prevensaun no Metigasaun Surtu COVID-19 no atuál Diretora jerál Prestasaun Saúde-Ministériu Saúde, Odete da Silva Viegas. Imajen Tatoli/Egas Cristóvão

DILI, 09 marsu 2021 (TATOLI)—Sala Situasaun Sentru Integradu Jestaun Krize (CIGC, sigla portugés) husu ba pasiente pozitivu COVID-19 ho inisiál G, ne’ebé serbisu iha instituisaun Estadu balun atu ko’alia onestu hodi labele prejudika ekipa vijilánsia sira halo serbisu iha terrenu.

“Kona-ba kazu pozitivu iha BTN II, pasiente ne’ebé hanesan Diretúr Jerál dehan nia laiha kontaktu ho pozitivu ida iha Baucau, pergunta maka ne’e, nia ko’alia loos ka lae? nia mak hatene loloos katak vírus ne’e mai hosi ne’ebé tanba vírus ida nia transmite ne’e, bele dehan família tomak pozitivu, signifika karga vírus ne’ebé nia lori  bele transmite, ema ida hodi daudaun vírus ne’e ativu iha nia isin mak nia transmite,” Vise-Koordenadora Forsa-Tarefa ba Prevensaun no Metigasaun Surtu COVID-19, Odete da Silva Viegas, relata liuhosi konferénsia imprensa iha Sentru Konvensaun Dili (CCD, sigla portugés), tersa ne’e.

Notísia relevante: COVID-19: pozitivu lima hosi Covalima, ida hosi Baucau

Testemuña pasiente COVID-19 hosi BTN-II Tasi-Tolu

Enkuantu, tuir estudu ne’ebé mak iha, tenke iha kontaktu hosi kabeen ne’ebé ko’alia hisik mak bele hada’et vírus, la’ós hosi anin.

“Ekipa enfrenta hela situasaun, ema sira ne’ebé pozitivu COVID-19 dala ruma la fó informasaun loloos. Ida-ne’e prejudika profisionál sira atu buka tuir kontaktu besik sira no prejudika mós ema sira ne’ebé besik ho nia, maibé nia dehan laiha. Tanba ne’e, ami husu onestidade pasiente pozitivu,” Atuál Diretora jerál Prestasaun Saúde-Ministériu Saúde (MS) apela.

Antes ne’e, pasiente ho inisiál G hela iha BTN-II maibé nia rezidénsia dook oituan hosi pasiente COVID-19 hosi Baucau ho inisiál MM (tuir informasaun CIGC).

Tuir pasiente G, nia hatene pasiente ne’ebé evakua hosi Baucau mai Dili hela hotu iha área BTN-II, maibé sira nunka iha kontaktu fízika, satán konversa.

Jornalista: Antónia Gusmão

Editora: Julia Chatarina

iklan
iklan

Leave a Reply

iklan
error: Content is protected !!