Atendimentu kliente iha sukursál BNCTL. Imajen/BNCTL

DILI, 09 marsu 2021 (TATOLI)–Banku Nasionál Komérsiu Timor-Leste (BNCTL, sigla portugés) no Banku Mandiri fó sai ona avizu katak durante implementasaun serka sanitária iha munisípiu Dili, hahú 09 to’o 15 marsu, sei la halo atendimentu públiku.

“Bazeia ba desizaun Governu, liuhosi karta sirkulár hosi BNCTL númeru 92/2021 kona-ba medida espesiál ba COVID-19, ho ida-ne’e ami informa BNCTL sukursál Dili sei taka ba públiku hahú loron 09 to’o 15 marsu,” refere nota imprensa ne’ebé Agência TATOLI asesu, iha tersa ne’e.

Notísia relevanteReuniaun KM: deside serka sanitária iha Dili durante loron hitu

Enkuantu, BNCTL sukursál iha munisípiu seluk, operasionál sei la’o hanesan baibain, nune’e mós tranzasaun POS no ATM funsiona 24 oras nia laran.

Maski nune’e, BNCTL mós apela ba kliente sira, bainhira halo tranzasaun ho mákina ATM sira iha fatin hotu, nafatin kumpre medida prevensaun COVID-19.

Sorin seluk, Banku Mandiri mós hasai ona nota ofisiál ida ba públiku, ne’ebé haktuir katak sei la halo operasaun durante aplikasaun serka sanitária iha Dili, maibé ba tranzasaun via ATM sei la’o ho normál.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here