Atividade iha merkadu Taibesi, kuarta (06/01). Imajen TATOLI/António Gonçalves

DILI, 08 marsu 2021 (TATOLI)--Governu liuhosi Ministériu Koodenadór Asuntu Ekonómiku (MKAE), deside minimiza funsionamentu merkadoria iha kapitál Dili, hahú iha oras 00:00 loron 09 to’o 15 marsu.

“Situasaun ne’e afeta ba ativiade ekonómika iha munisípiu Dili.  Ita mós tenke kumpre lei ne’ebé iha, nune’e kontinua permite ba atividade merkadoria sira bele la’o ka funsiona ho mínimu,” Ministru Koordenadór Asuntu EKonómiku, Joaquim Amaral, informa hafoin reuniaun Konsellu Ministru estraordinária, iha edifísiu Minsitériu Finansa, Aitarak-laran, segunda ne’e.

Notísia relevante: Reuniaun KM: deside serka sanitária iha Dili durante loron hitu

Iha biban hanesan, liuhosi reuniun Konsellu Ministru, hahú aban aplika serka sanitária no konfinamentu ba iha munisípiu Dili durante loron hitu.

Tuir Ministru Joaquim, iha loron hirak aplika serka sanitária, loja sira kontinua funsiona, maibé tenke prepera materiál ijine no limita ema  atu asesu.

Kona-ba neseidade bázika ba munisípiu seluk sei kontinua la’o, maibé tenke hetan autorizasaun hosi pesoál saúde vizilansia no seguransa sira.

Atividade merkadu, Governu liuhosi MKAE sei hatúr desizaun iha depaisu tanba medida implementasaun Estadu Emerjénsia (EE) ba-11 fó dalan ba ida ne’e.

Iha ámbitu Konsellu Ministru deside atu impoin konfinamentu obrigatóriu ne’ebé la autoriza sidadaun sira atu halo atividade kulturál, relijioza durante periódu loron hitu nia laran.

Nune’e mós, la autoriza atu sai hosi hela fatin no ba fatin públiku sira, ou desloka ba fatin públiku sira sein nesesidade, maibé bele sai kuandu iha nesesidade ba hola ai-han, sosa pulsa eletrisidade ou sosa medikamentu sira, no bainhira pesoál seguransa sira halo auto stop tenke fó justifikasaun.

Medida hirak ne’e hatúr tuir rezolusaun KM, tanba aleinde medida jerál ba territóriu tomak, maibé Governu deside halo medida espesiál ba zona espesiál sira liuhosi rezolusaun KM, katak serka sanitária no kofinamentu obrigatóriu ne’e vale de’it iha munisípiu Dili inklui Ataúro no Metinaro, enkuantu munisípiu seluk bele halo atividade loron-loron nian, maibé tenke implementa medida sira ne’ebé EE ejize.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here