Brigadeiru Jenerál Calisto Santos Coli "Coliati". Imajen Tatoli/Egas Cristóvão

DILI, 05 marsu 2021 (TATOLI)-FALINTIL-Forsa Defeza Timor-Leste (F-FDTL), sesta ne’e, liuhosi enkontru virtuál ho Forsa Armada Estadus Unidus Amérika (EUA) hodi ko’alia kooperasaun tékniku militár.

Enkontru ho tema ‘’Eleventh annual Timor-Leste-United Stated Bilateral Defence Discussion (TL-US DBB XI)’’ ne’e Timor-Leste lidera direita hosi Brigadeiru Jenerál, Calisto Santos Coli “Coliati” akompaña hosi Adidu Defeza EUA iha Timor-Leste.

Calisto Santos Coli “Coliati”, hateten objetivu hosi sorumutuk ne’e hodi ko’alia kona-ba kooperasaun tékniku militár  entre F-FDTL ho forsa armada Estadu Unidu Amérika (EUA).

“Asuntu kooperasaun tékniku militár saida mak forsa Armada Amérika koopera ho TL  atu dezenvolve no profesionaliza forsa armada Timor-Leste  ninian, liu-liu iha área marítima  no mós tinan ne’e ba fali forsa aero ne’ebé  sira sei apoiu  ita  atu dezenvolve partilla aero hodi kontrola ba ita-nia tasi,” Brigadeiru Jenerál Calisto Santos Coli “Coliati” hateten ba jornalista sira iha Kuartél  Jenerál F-FDTL, Fatuhada, Dili.

Nia hateten, relasiona ho autoridade marítima ne’ebé iha forsa armada EUA promete  atu apoiu  Cessna ida ba  F-FDTL hodi bele halo partilla  iha  tasi.

Kona-ba rekursu umanu F-FDTL, Calisto Santos Coli “Coliati”, lia tun dehan, iha tinan hirak liubá F-FDTL  haruka ona  membru na’in-10 ba halo estudu hanesan aviadór ho tékniku mekániku ne’ebé preparadu ona bainhira Cessna ne’ebé forsa armada EUA  atu apoiu membru F-FDTL preparadu atu halo operasaun hodi halo kontrola iha tasi.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here