Prezidente Tribunál Rekursu, Deolindo dos Santos. Imajen Tatoli/Egas Cristovão

DILI, 04 marsu 2021 (TATOLI)—Prezidente Tribunál Rekursu (PTR) no Komisaun A ne’ebé trata asuntu Justisa no Konstitusionál hahú diskute proposta-lei númeru 26/V(3a) kona-ba kriasaun orden advogadu sira Timor-Leste.

Notísia Relevante: Plenária baixa proposta-lei foun rua ba Komisaun A

Prezidente Tribunal Rekursu, Deolindo dos Santos, esplika proposta-lei ne’e ho objetivu atu regula advogadu sira iha Timor-Leste.

“Ha’u mai halo audiénsia públika ho Komisaun kona-ba lei ba advagadu sira nian. Proposta-lei ne’e mai hosi Governu, entaun ha’u mai hato’o tribunál nia hanoin kona-ba diploma ne’e,” Prezidente Tribunál Rekursu, Deolindo dos Santos, esplika ba jornalista sira, iha resintu Parlamentu Nasionál, kinta.

Prezidente Tribunál Rekursu ne’e mós hato’o ona hanoin balun liuhosi karta eskrita ba Prezidente Komisaun A ne’ebé trata asuntu justisa no konstitusionál atu tau ba konsiderasaun.

Nia haktuir, Komisaun A husu hanoin ba Tribunál Rekursu nian ho objetivu orden advogadu ne’e iha futuru bele sai di’akliu

Entretantu, Prezidente Komisaun A, Deputadu Joaquim dos Santos, esplika proposta-lei iha rua, ida kona-ba Rejime Jurídiku Asosiasaun Públika Profisionál no ida seluk mak proposta-lei Orden Advogadu sira iha Timor-Leste.

Prezidente Komisaun ne’ebé trata asuntu Justisa no Konstitusionál ne’e esplika, proposta-lei jerime jurídiku ne’e atu hamoris profisionál públika sira-nian iha Timor-Leste.

Nune’e mós proposta-lei kona-ba orden advogadu Timor-Leste atu regula advogadu sira-ne’ebé hala’o kna’ar advokasia nian.

“Kuandu orden adgvogadu ne’e sai (vigora) entaun orden barak bele mosu, hanesan orden ba médiku sira no orden seluk tán bele mosu,” nia subliña.

Jornalista: Evaristo Soares Martins

Editór: Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here