Komandante PNTL Munisípiu Dili, Superintendente Xefe, Henrique da Costa. Imajen Tatoli/Dok

DILI, 04 marsu 2021 (TATOLI)-Komandu  Polísia Nasionál Timor-Leste (PNTL) Munisípiu Dili detein ema  na’in-haat (mane hotu) ne’ebé deskonfia envolve iha kazu hadau ema nia sasán  iha Kapitál Dili.

“Horiseik detein suspeitu na’in-rua no ohin na’in-rua tan iha area Dom Aleixo no Nain Feto ne’ebé ita nia polísia parte servisu sekreta deskobre rede ka grupu   ne’ebé durante ne’e  hadau ema nia telefone iha kalsa bolsu no motór nia dashboard,’’  Komandante PNTL Munisípiu Dili, Superintendente Xefe, Henrique da Costa, informa ba jornalista iha Komandu Dili, kinta ne’e.

Notísia Relevante : Dili rejista kazu asalta hadau ema nia sasán

Nia dehan, polísia hetan ho evidénsia hanesan motór ida ho telefone iPhone, Oppo, Samsung no prosesu investigasaun kontinua lao sei aprezenta  ba Ministériu Públiku (MP) .

Suspeitu sira-ne’e iha hela sela polísia hodi presta deklarasaun no investigasaun durante oras 72 nia laran no sei submete ba primeiru interrogatóriu iha Tribunál Distritál Dili (TDD).

Jornalista       : Nelson de Sousa

Editór             : Francisco Simões

HAKEREK NO HATÁN

Please enter your comment!
Please enter your name here