Membru Deputadu PD, Ernesto Dudu. Imajen/Tatoli Egas Cristovão.

DILI, 03 marsu 2021 (TATOLI)—Veteranu Ernesto Fernandes ‘Dudu’ husu líder istóriku sira atu perdua malu, atu nune’e lori Repúblika Demokrátiku Timor-Leste (RDTL) ba prosperiedade.

Notísia Relevante: L-7 hakarak restu mortál 450 iha Laga tenke iha monumentu

“Ha’u-nia hanoin mak ne’e líder sira-ne’e di’ak malu hela, maibé kór iha laran ne’e. Líder sira husu deskulpa ba malu mós la hatene, entaun raan kór ida uluk halo di’ak tiha buat hotu-hotu, to’o ikus nia lae fali. Ne’e tanba saida. La’ós tanba ukun, lae. La’ós dehan nia tama para kaer ukun, lae. Ha’u husu líder istóriku sira atu perdua malu, atu nune’e lori Repúblika Demokrátiku Timor-Leste (RDTL) ba prosperiedade,” Deputadu Bankada Partidu Demokrátiku ne’e informa ba Agência TATOLI, iha resintu Parlamentu Nasionál, kuarta ne’e.

Nia dehan, oras ne’e kór iha diverjénsia polítika ne’e mak halo líder istóriku sira la hamutuk maibé istória ne’e tenke rekuñese. Tanba, nia dehan, ida tenke boot hodi loke dalan hotu-hotu atu la’o-tuir maibé to’o ikus hetan di’ak tenke rekuñese ninia sakrifísiu.

“Ita bele di’ak dala sanulu mós, kuandu ita la rekuñese ninia sakrífisiu ne’e, ninia laran dodok hela,” Veteranu Ernesto Fernandes informa.

Deputadu Bankada PD ne’e akresenta, rekuñese sakrífisiu iha funu ne’e importante tanba laiha ema ida mak atu muda fali istória.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here