Sekretáriu Estadu Kooperativa, Elizário Ferreira. Imajen TATOLI/Egas Cristovão

DILI, 03 marsu 2021 (TATOLI)Sekretaria Estadu Kooperativa (SEKoop), liuhosi Federasaun Hanai Malu, insentiva mensál $30 kada ema ho difisiénsia hodi haforsa atividade kooperativa.

Daudaun ne’e, grupu hirak ne’e iha ona membru hamutuk na’in-182 mak ativu iha kooperativa.

Ein prinsípiu, kooperativa mós iha membru ema ho defisiénsia ne’ebé avansadu tebes no sira-nia membru hetan subsídiu mensál $30 hosi  Federasaun Hanai Malu,” Sekretáriu Estadu Kooperativa, Elizário Ferreira, informa iha ámbitu abertura semináriu ho tema ‘Dezenvolvimentu Kooperativa iha Post COVID-19’, iha Federasaun Hanai Malu, Bairro Pité, kuarta ne’e.

Governante ne’e nota katak durante ne’e  kooperativa ne’ebé harii hosi ema ho difisiénsia sira barak mak la’o di’ak tebes.

“Sira desde uluk kedan sempre integra iha Federasaun Hanai Malu no sira sempre ativu, no SEKoop sempre akompaña, hahú jullu tinan kotuk to’o agora sira forsa liután,” nia akresenta.

Tuir Sekretáriu Estadu, kooperativa ne’ebé halo hosi ema ho defisiénsia, barak mak halai liu ba artezenatu.

Hanesan mós kooperativa Pão Moris, nia membru maioria ema ho difisiente hotu.

Iha sorin seluk, governante ne’e admite katak SEKoop la taka dalan ba ema hotu atu harii kooperativa tanba atividade ne’e bele akomoda ema hotu iha kreatividade halo negósiu iha área oin-oin.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here