Ministra Negósiu Estranjeiru no Kooperasaun, Adaljiza Albertina Xavier Reis Magno. Imajen Tatoli/Egas Cristovão

DILI, 02 fevereiru 2021 (TATOLI)-Ministra Negósiu Estranjeiru no Kooperasaun, Adaljiza Albertina Xavier Reis, informa Governu Indonézia hatudu ona kompromisu atu fó flesibilidade ba estudante timor-oan ne’ebé dokumenetu hanesan Autorizasaun Rezidénsia Temporária (KITAS, sigla indonéziu) no viza invalidu ona.

“Ita-nia estudante iha Indonézia ne’e problema ho KITAS no viza, ne’ebé ami koa’lia ona atu fó fleksibilidade to’o outubru tinan ne’e no ami hateten ba sira katak sidadaun Indonézia mós ami mós fó fleksibilidade bainhira viza mate la selu,” Ministra Adaljiza hateten iha Pálasiu Governu, tersa ne’e.

Ministra hato’o kestaun ne’e hodi responde preokupasaun reprezentante povu iha Parlamentu Nasionál, atu fó solusaun ba problema estudante timor-oan iha Indonézia bainhira dokumentu mate.

“Ami kontaktu ba Governu Indonézia atu tau matan ba ita-nia ema sira, liuliu estudante timor-oan sira, nune’e labele hetan deportasaun maibé kontinua hela lai to’o ita loke pontu entrada mak sira mai trata KITAS no viza,” nia akresenta.

Governante ne’e informa, nia parte seidauk simu relatóriu hosi Embaixadór no Adidu sira, kona-ba estudante sira ne’ebé dokumentu invalidu.

Aleinde ne’e, MNEK halo ona kontaktu ho Governu Austrália no Inglatera atu fó mós flesibilidade ba sidadaun sira ne’ebé nia viza invalidu.

Maski nune’e, nia husu ba sidadaun timor-oan ne’ebé hakarak repatria, presiza halo pedidu ba Governu atubele fasilita.

Kona