Diretór Ezekutivu PERMATIL, Ego Lemos. Imaen TATOLI/António Gonçalves

DILI, 01 marsu 2021 (TATOLI)-Diretór Ezekutivu Permakultura Timor-Leste (PERMATIL) Ego Lemos, husu Governu apoiu finansiamentu ba atividade konservasaun bee matan sira iha komunidade nia le’et.

“Durante ne’e ami apoia Governu konserva bee matan hodi labele maran, maibé parte Governu sira tenke mós apoia ami-nia atividade. Ami iha voluntáriu barak, tanba ne’e presiza apoiu orsamentu atubele kobre sira-nia hahán no viajen, pelu menus ita fó insentivu ruma hodi bele ba serbisu iha área rurál liga ho atividade ne’ebé halo durante ne’e,” Diretór Ezekutivu informa ba Agência TATOLI via telefónika, segunda ne’e.

Nia rekoñese, durante ezisténsia PERMATIL, Governu no komunidade tomak kontinua koopera ho di’ak atu promove sistema konservasaun bee iha territóriu tomak atubele salva bee matan ne’ebé mak durante ne’e maran.

Responsável ne’e iha esperansa, presenza PERMATIL iha komunidade nia le’et bele ajuda komunidade sira enfrenta konservasaun bee no ambiente.

Organizasaun Naun Governamentál ne’e hahú hala’o atividade iha tinan 2001 no ninia papél maka halo advokasia ba parte jestaun, eduksaun no rekursu naturál.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here