Diretór Ezekutivu SAMES, Santana Martins. Imajen Tatoli/Egas Cristovão.

DILI, 26 fevereiru 2021 (TATOLI)—Serbisu Autónomu Medikametu Ekipamentu Saúde (SAMES), husu Ministériu Obra Publika (MOP) atu orienta Eletrisidade Timor Leste (EDTL), hodi tau atensaun ba liña iha área Kampu Alor, nune’e labele fó impaktu ba ai-moruk vasinasaun ne’ebé sei rai iha sala malirin bainhira to’o mai.

Diretór Ezekutivu SAMES, Santana Martins preokupa tanba durante ne’e eletrisidade mate lakan no bele estraga ai-moruk ne’ebé sei uza ba vasinasaun iha tempu badak.

Notísia Relevante:SAMES instala ona sala malirin atu rai vasina COVID-19

“Ai-moruk ne’e mai mak ahi mate, sei fó impaktu boot tanba vasina ne’e bele aat. Entaun, ami  rekomenda ba EDTL atu tau prioridade ba liña mai Kampu Alor,” Santana Martins hateten ba jornalista-sira iha Kampung Alor, sesta ne’e.

Nia dehan, rekezitu atu rai ai-moruk ne’e ho ninia temperatura maka 2 to’o 8 grau-sélsiu, entaun ida ne’e diak ba Timor Leste.

Oras ne’e daudaun parte SAMES mós iha zeradór ne’ebé bele sai rezerva ida, maibé nia impaktu ne’e derrepente de’it bele falla.

Oras ne’e daudaun SAMES halo ona instalasaun ba sala malirin, hodi prepara atu rai ai-moruk vasinasaun COVID-19 ne’ebé sei to’o Timor-Leste (TL) iha fulan marsu.

Notísia Relevante:TANE husu EDTL proteje direitu konsumidór asesu liña eletrisidade

Jornalista: Felicidade Ximenes

Editór: Cipriano Colo

HAKEREK NO HATÁN

Please enter your comment!
Please enter your name here