Diretora PARCIC, Junko Into. Imajen TATOLI/Natalino Costa

AINARO, 25 fevereiru 2021 (TATOLI)—Pasific Asia Resource Center Inter-People’s Cooperation (PARCIC) prontu apoiu reabilita fatin prosesa kafé membru kooperativa Cocomau iha postu administrativu Maubisse, munisípiu Ainaro.

“Ami tama ona faze atu apoia membru kooperativa Cocamau reabilitasaun fatin prosesa kafé no ami iha maizumenus $30.000, enkuantu kooperativa rasik seidauk iha kbiit  finanseiru. Entaun ami-nia osan hosi doadór, koko atu investe ba programa reabilitasaun kafé laran,” Diretora PARCIC, Junko Into, informa iha ámbitu seremónia Assembleia Jerál ba dala-18 kooperativa Cocamau, iha postu administrativu Maubisse, kinta ne’e.

Notísia relevante: SEKoop apresia kooperativa multi-setorál Cocamau tanba halo jestaun di’ak

PARCIC hanesan parseiru internasionál ne’ebé hahú tinan 2002 to’o agora sempre fó apoiu ba komunidade agrikultór kafé iha Maubisse.

“Ami hahú fasilita ekipamentu atu prodús kafé ho kualidade di’ak no koko kapasita kafé-na’in sira atu komprende kona-ba kooperativa no jestaun,” nia akresenta.

Dirijente ne’e nota katak, komunidade agrikutór iha Maubisse hatene prodús kafé ho kualidade di’ak.

“Ami foin primeira vez mai iha tinan 2002, maibé agrikultór kafé sira hatene ona prodús kafé ho kualidade no bainhira sira fa’an ba ema iha rai-li’ur,  konsumidór sira sente sira-nia kafé di’ak no kualidade,” nia hatutan.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here