Ilustrasaun.

DILI, 25 fevereiru 2021 (TATOLI)–Diretór Forum Organizasaun Naun Governamentál Timor-Leste (FONTIL), Daniel Santos do Carmo, hateten Governu presiza lalais sosa lalais AstraZeneca tanba vasinasaun AtraZeneca ne’e impotante atu kombate COVID-19 iha Timor-Leste. 

Notísia Relevante: Vasinasaun Astrazeneka sei hahú iha 7 abril

Nia hatutan, sosiedade sivíl konsidera vasinasaun AtraZeneca ne’e importante tanba Governu halo tiha ona desizaun no hili opsaun ida katak Timor-Leste hola AstraZeneka atu salva populasaun Timor-Leste hosi COVID-19.  

“Objetivu prinsipál hosi ita-nia diskusaun ne’e ajuda ita-nia Governu atu aselera lalais, hola vasinasaun AstraZeneca nune’e salva ita-nia populasaun hosi virus COVID-19. Tanba, salva populasuan ne’e dalan ida mak vasina, tanba ne’e agora nasaun barak mak uza ona AstraZeneca. Enatun, TL mós presiza tebes hola vasinasaun AstraZeneka, atu nune’e bele salva komunidade nia vida hosi pandémia COVID-19,” Daniel Santos Carmo hateten bainhira halo abertura ba diskusaun forum dialogu entre Governu, organizasaun saúde mundiál (WHO), no organozasaun sosiedade sivíl, iha salun FONGTIL, Caicoli, Dili, kinta ne’e.

Aleinde ida-ne’e, nia dehan, fó hatene mós ba públiku kona-ba lala’ok vasinsaun AstraZeneca tanba iha públiku, barak mak hamosu informasaun Hoax (falsu) dehan vasinasaun AstraZeneca ne’e ladiak no sei estraga ema-nia vida. Tanba ne’e, ohin, sosiedade sivíl hamutuk ho OMS fahe funsaun loloos hosi vasinasaun AstraZeneka ne’e ba públiku.

“Iha diskuasaun ne’e ita ajuda atu resposta ba opiniaun balu ne’ebé mosu iha sosiál mídia dehan katak vasinasaun AstraZeneca ne’e ladi’ak sei fó impaktu ba ema-nia vida. Entaun, sosiedade sivíl hanesan parte ida atu juda komunidade oinsá atu halo resposta ba informasaun sira-ne’ebé falsu kona-ba vasina dezisaun ne’ebé ita-nia Estadu foti atu sosa,” nia hateten. 

Tanba ne’e, nia bolu OMS atu bele esplika informasuan loloos ba públiku kona-ba vasinasaun AstraZeneca tanba informasaun ne’ebé loos ne’e mai hosi Ministériu Saúde no OMS.

Entretantu, reprezentante OMS, Doutora Senha Viegas hateten vasinasaun AstraZeneca nia funsaun loloos mak oinsá kria ema-nia sistema umunidade forte hodi kontra virus no atu proteje ema hosi infesaun COVID-19 no prevene transmisaun virus ne’e ba ema.

“Atu proteje ita hosi COVID-19 mak péritu rekomenda tenke iha vasina ida atu proteje ita, nune’e labele hetan infesaun hosi COVID-19. Vasinasaun ne’e atu prevene transmisaun virus ne’e ba ema ida. Ida-ne’e mak vasina AstraZeneka ne’e importante tanba bele haforsa ita-nia sistema imunidade,” nia hateten.

Nia afirma, TL tenke hetan vasina tanba tuir péritu sira-nia análiza liuhosi estudu no eskprimentu ne’e hatudu katak virus COVID-19 ne’e hanesan pandémia ida-ne’ebé ameasa boot ba ema-nia vida.

“Ita seidauk iha aimoruk ida ne’ebé loloos atu bele kura totál COVID-19, tanba ne’e agora vasina mak meiu ida atu haforsa liután ita-nia protesaun. Bainhira simu vasina, nia treinu ita-nia sistema umunidade atu bele rekuñese virus COVID-19 ne’e atu bainhira virus kona ita karik, ita bele tahan tanba imunidade ne’e forte,” nia afirma.

Jornalista: Arminda Fonseca

Editór: Cancio Ximenes.

HAKEREK NO HATÁN

Please enter your comment!
Please enter your name here