Prezidente Timor GAP,E.P, António José Loiola de Sousa. Imajen TATOLI/Egas Cristóvão

DILI, 23 fevereiru 2021 (TATOLI)–Prezidente Konsellu Administrasaun Timor Gás no Petróleu, Empreza Públika (Timor GAP,E.P), António Loiola de Sousa, akompañadu hosi Ministru Petróleu no Minerál (MPM), Víctor da Conceição Soares, hasoru malu ho Primeiru-Ministru (PM), Taur Matan Ruak, hodi atualiza serbisu.

“Atualiza serbisu Timor GAP ba Primeiru-Ministru no simu mós orientasaun, hanesan ita hotu hatene katak empreza estatál ne’e ninia área haree ba upstream no downstream,” Prezidente Timor GAP hateten hafoin ramata reuniaun ho Xefe Governu iha Palásiu Governu, tersa ne’e.

Nia hatutan, bainhira relata serbisu ne’e, PM hakarak hatene atividade sira ne’ebé mak sai prioridade Timor GAP.

“Liuliu relasiona ho orsamentu ne’ebé mak aprova tiha ona iha Parlamentu Nasionál, Primeiru-Ministru hakarak hatene katak hafoin simu orsamentu, Timor GAP ninia prioridade oinsá,” nia haktuir.

Atividade sira ne’ebé mak Timor GAP relata ba Xefe Ezekutivu relasiona ho preparasaun perfurasaun mina-matan foun iha Suai, munisípiu Covalima inklui atividade sira seluk ne’ebé mak sai prioridade iha tinan 2021.

Jornalista: Antónia Gusmão

Editora: Julia Chatarina

1 KOMENTÁRIU

  1. nudar cidadaun Timor oan,husu Governu halo investiga ba Presidente TimorGap no Presidente ANP anterior sira.Fransico M tanba sa mak tinan barak liu ba nee la-halo plano ka servisu hodi explorasaun mina matan sira seluk..agora mina matan rua nee atu hotu ona mak hakfodak..no mos invetiga ema nebe fo dadus ba estado timo-leste konaba komapnia Conopilhip la selu obrigasaun..ikus mai TL Lakon iha Tribunal Internasional no TL lakon miloes atus resin..tenki loke no investiga..nee hanesan mafia no konkalikon..

HAKEREK NO HATÁN

Please enter your comment!
Please enter your name here