Votasaun konta jerál Estadu 2019, iha sala plenária Parlamentu Nasionál, tersa (23/02). Imajen/Mídia PN

DILI, 23 fevereiru 2020 (TATOLI)-VIII Governu Konstitusionál liuhosi Ministériu Finansa (MF) hatudu ona komprimisu atu mellora sistema ezekusaun orsamentu ho transparánsia ba konta públika sira.

Ministru Finansa, Rui Augusto Gomes, hateten iha tinan ne’e Governu bele avansa ho reforma nesesária atu mellora ezekusaun orsamentál liuhosi lei foun enkudaramentu Orsamentu Jerál Estadu (OJE), ne’ebé Governu aprezenta ona ba Parlamentu Nasionál atubele aprova hodi susbtitui Lei Orsamentu Jestaun Finanseiru atuál.

“Ami sei kontinua serbisu mellora sistema ezekusaun orsamentál, atu nune’e bele aumenta transparárensia ba konta públika,” Ministru Rui Gomes, hateten iha ámbitu diskusaun konta Jerál Estadu 2019 iha sala plénaria Parlamentu Nasionál, tersa ne’e.

VIII Governu Konstitusionál kompromete asegura konta jerál Estadu liuhosi integra konta Rejiaun Administrativa Espesiál Oé-cusse Ambeno (RAEOA) no Seguransa Sosiál iha konta jerál Estadu.

Maski nune’e, iha tinan 2020 no 2021, Governu  fó ona pasu importante atubele asegura konta jerál Estadu liuhosi inskrisaun saldo tezouru iha OJE no dotasaun ajudu esterna.

“Pasu hirak ne’e mak la konsege halo iha konta jerál 2019, enkuantu Ministériu Finansa sente katak presiza duni aumenta kapasidade rekolla informasaun hotu atubele aprezenta iha konta jerál Estadu,” nia akresenta.

Governu aumenta obrigasaun reporte no hadi’a sistema finanseira

Daudaun ne’e, Govermu mós sei rekolla informasaun kona-ba patrimóniu Estadu, kompromisu annuál, dívida naun komersiál no tranferénsia públika atubele iha aumentu kona-ba obrigasaun reporte no hadi’a sistema finanseira.

Dekretu-lei ezekusaun OJE 2021 prevee aumentu períodu halo relatóriu kona-ba patrimóniu naun móvel no móvel Estadu nian, inklui dívida naun komérsiál ne’ebé esklarase ona katak transférensia públika tenke halo bazeia ba selebrasaun akordu subvensaun atubele ezekuta.

Tanba ne’e, Ekonomista timor-oan ne’e dehan, presiza iha ekilíbru akompañamentu entre jestaun finanseira ho entidade outonómu no respeitu ba autonomia administrativa no finaseira ne’ebé previstu iha lei.

Iha tinan 2020, oprova ona rejime jurídiku organizasaun adminisitrativa direita no indireita sira ne’ebé buka uniformiza regra organizasaun no funsionamentu institutu públiku.

Nune’e, kona-ba OJE 201, hetan aprovasaun ho lei númeru 2/2019, 07 fevereiru, ne’ebé iha fulan-janeiru 2019 ho niniaa ezekusaun halo tuir regra doudesimál  ho baze dotasaun orsamentál hosi orsamentu tinan fiskál 2018.

“Bainhira lei Orsamentu Jerál Estadu 2019 tama ona ein vigór maka ezekusaun mós tuir regra jerál ezekusaun orsamentál no dotasaun orsamentál ne’ebé estabelese iha lei refere. Konta jerál Estadu tuir ona rekomendasaun ne’ebé ezije hosi Kámara Konta ho objetivu atu fó informasaun ne’ebé transparante liu,” nia esplika.

Nune’e, Governu konsege hadi’a oituan OJE 2020 no 2021, tanba ne’e iha aprezentasaun konta jerál Estadu 2020 karik bele iha novidade no metodolojia balun ne’ebé ajuda aumenta transpáransia ba konta públika.

Governu mós sei asegura unidade tezoreria  Estadu no kontrola di’ak liután despeza rekorrente ne’ebé di’ak hodi iha diferénsia entre despeza rekorrente ho despeza investimentu.

“Governu hakarak avansa duni ho reforma finansa públika ne’ebé pasu dahuluk mak aprezenta lei mai Parlamentu Nasionál kona-baenkuadramentu OJE no jestaun finaseira,” Ministru hatutan.

Nune’e, proposta lejizlasaun kona-ba enkuadramentu OJE introdús ona alterasaun substansiál iha aspeitu esensiál iha enkudramentu orsamentál no jestaun finanseira públika

“Ami aprezenta mai Parlamentu Nasionál no klarifika paremetru orsamentál no rejime jurídiku entidade orsamentál hotu no define detalladamente orbrigasaun hotu kona-ba ezekusaun OJE no jestaun finaseira públika,” nia afirma.

Proposta lei ida-ne’e, sei eleva Timor-Leste nia rejime nasionál ho mellora prátika internasionál ein termu orsamentál no jestaun finanseira.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here