Fasilidade-sira iha Laboratóriu Nasionál Saúde. Imajen Tatoli/Nélia Fernandes.

DILI, 23 fevereiru 2021 (TATOLI)—Laboratóriu Nasionál Saúde (LABNAS) sei enfrenta difikuldade iha rekursu umanu, liuliu menus analista atu halo serbisu durante surtu COVID-19.

Diretora Ezekutiva LABNAS, Endang Soares hateten oras ne’e daudaun kazu pozitivu COVID-19 aumenta, tanba ne’e presiza rekursu umanu atu reforsa serbisu hodi halo análiza ba amostra-sira no halo teste ba pasiente.

Notísia Relevante:LABNAS rekolla ona rihun $100-resin hosi teste COVID-19

“Ami nia ekipamentu COVID-19 sufisiente, maibé problema mak rekursu umanu liu-liu ami presija analista tanba serbisu laboratóriu ne’e aumenta makaas,” Endang Soares hateten ba jornalista Agência Tatoli iha Bidau, tersa ne’e.

Oras ne’e daudaun, LABNAS iha totál funsionáriu hamutuk 100 no hosi númeru ne’e analista iha na’in 50.

Tuir planu, LABNAS sei aumenta-tan analista na’in 10 atu fó apoiu ba serbisu laboratóriu-nian durante situasaun COVID-19.

Jornalista: Felicidade Ximenes

Editór: Cipriano Colo

PUBLISIDADEiklan

HAKEREK NO HATÁN

Please enter your comment!
Please enter your name here