Ministru Administrasaun Estatál, Miguel Pereira de Carvalho. Imajen TATOLI/Egas Cristovão

DILI, 22 fevereiru 2021 (TATOLI)–Ministériu Administrasaun Estatál (MAE) seidauk marka ajenda pose ba Administradór munisípiu Covalima ne’ebé maka foin lalais Konsellu Ministru nomea ona.

“Pose ba administradór Covalima seidauk bele realiza tanba daudaun ne’e Covalima sei iha serka sanitária. Kuandu ramata ona mak bele marka tempu hodi realiza seremónia pose,” Ministru Administrasaun Estatál, Miguel de Carvalho, informa iha salaun enkontru TradeInvest, segunda ne’e.

Enkuantu, tuir ajenda ne’ebé mak fó sai hosi Ministru Administrasaun Estatál rasik katak tersa (23/02) sei realiza seremónia pose ba Administradór munisípiu Aileu no iha loron kinta (25/02) pose ba Administradór Ainaro.

Antes ne’e, iha reuniaun Konsellu Ministru halo ona nomeasaun ba Administradór munisípiu Aileu, Ainaro no Covalima.

Nomeasaun ne’e bazeia ba projetu rezolusaun Governu ne’ebé mak aprezenta husi Ministru Administrasaun Estatál, Miguel Carvalho no hetan apresiasaun no aprovasaun husi ezekutivu sira.

Bazeia ba proposta rezolusaun Governu, nomea ona Abel da Conceição hanesan Administradór munisípiu Aileu, Leovigildo Amaral Pereira nu’udar Administradór munisípiu Ainaro no Francisco de Andrade hanesan Administradór munisípiu Covalima.

Jornalista: Antónia Gusmão

Editora: Julia Chatarina   

PUBLISIDADEiklan

HAKEREK NO HATÁN

Please enter your comment!
Please enter your name here