Ema ho Defisiénsia hatudu talentu iha área desportu iha komemorasaun loron mundiál ba Ema ho Defisiénsia ne’ebé hala’o iha Palásiu Prezidente Nicolau Lobato. Imajen/Mídia PR.

DILI, 21 fevereiu 2021 (TATOLI)—Sekretáriu Estadu Formasaun Profisionál no Empregu (SEFOPE) sei la husik Ema ho Defisiénsia iha kotuk durante mandatu.

Xefe Departamentu Empregu no Orientasaun Profisionál, Belarmino da Cruz hateten ho promesa ida ne’e maka SEFOPE sempre fó oportunidade ba Ema ho Difisiénsia atu hola parte iha programa emprendorizmu.

“Programa ida-ne’e ita envolve ema hotu-hotu, maibé  barak-liu Ema ho Difisiénsia,” Belarmino da Cruz  hateten durante semináriu ho tema Injustisa Sosiál ne’ebé hala’o iha Xanana Reading Room Lecidere, sábadu ne’e.

Nia dehan, realidade ne’e hatudu katak SEFOPE hakarak halo balansu kona-bá asesu ba ema hotu-hotu inklui Ema ho Defisiénsia ba Programa Governu-nian ho dignu.

Programa ne’e benefisia ona ema hamutuk 489 no maioria Ema ho Difisiénsia ne’ebé feto barak-liu.

Jornalista: Natalino Costa

Editór: Cipriano Colo

HAKEREK NO HATÁN

Please enter your comment!
Please enter your name here