Diretór Nasionál PCIC, Vicente Fernandes e Brito. Imajen Tatoli/Egas Cristovão

DILI, 19 fevereiru 2021 (TATOLI)-Polísia Sientífika Investigasaun Kriminál (PCIC) hato’o ona auto-notísia ba Ministériu Públiku (MP) relasiona ho keixa ne’ebé mak kompañia R2M hatama kontra Vise-Ministru Interiór, António Armindo.

Notísia Relevante : R2M halo keixa ba PCIC kontra Vise-Ministru António Armindo

Diretór Nasionál PCIC, Vicente Fernandes e Brito, hateten kualkér keixa ka denúnsia ne’ebé hato’o hosi sidadaun sira ba iha  PCIC no PCIC  so akumula hodi fasilita hodi remete ba Ministériu Públiku.

“Sei iha segredu justisa, tanba ne’e, proibidu atu fó sai uluk,”  Vicente Fernandes e Brito, hateten hodi responde jornalista sira iha nia servisu fatin, Caicoli, Dili, sesta ne’e.

Nia esplika, keixa hotu  tuir regra prosesuál kuandu nia denunsia semi-públiku  ba kazu ho grau ki’ik ninia prazu durante fulan-neen, maibé ba kazu ho grau boot laiha prazu bele hato’o ba autoridade judisiál.

Notísia Relevante : Kona-ba keixa R2M, Vise-Ministru António Armindo hein notifikasaun

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here