Ministru Finansa, Rui Augusto Gomes. Imajen TATOLI/Egas Cristovão

DILI, 19 fevereiru 2021 (TATOLI)–Ministru Finansa, Rui Augusto Gomes, hateten hahú hosi janeiru to’o fevereiru ne’e, Governu ezekuta ona orsamentu Jerál Estadu (OJE) 2021 hamutuk 11,7%.

“Ita-nia ezekusaun ohin dadeer kuaze 12% (11,7%) ona, signifika osan ne’ebé sirkula daudaun hamutuk millaun $190,” Ministru Rui Gomes, hateten iha salaun Ministériu Finansa, Aitarak-laran, sesta ne’e.

Persentajen ne’e korresponde hamutuk $1.895.000.000, ne’ebé kompostu kompromisu $74.700.016,25, obrigasaun $33.515.376,52, atuál $188.727.857,65 no saldo $1.598.056.749,58.

Kona-ba reseita sira, orijin $187.309.810, kompromisu zero, obrigasaun zero no atuál $16.530.555,40 no saldo $170.779.254,60, ne’ebé korresponde ho ezekusaun 8,8%.

OJE 2021 kompostu hosi saláriu no vesimentu millaun $239,2, bens (sasán) no servisu millaun $421,49, transferénsia públika millaun $669,91, kapitál minór millaun $61,14 no kapitál dezenvolvimentu millaun $503,20.

Tinan fiskál 2021, hanesan finan finseiru dahuluk ba departamentu hotu-hotu, institutu no entidade públiku sira iha Governu atu implementasaun orsamentu bazeia ba programa.

Prioridade lima ba 2021 mak hanesan bem estar sosiál, protesaun sosiál no sidadania ho despeza $645.180.926 (35,9%), investe iha ekonomia no finansa públika hamutuk $374.622.063 (20,8%), mellora konetividade nasionál $546.181.052 (30,4%), konsolida no fortelese defeza, seguransa no relasaun externa $158.830.873 (8,8%), konsolida no fortalese justisa, demokrasia no direitu umanu $72.428.398 (4%).

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here